Midurîya Pêroyî yê Awe û Îdareyê Kanalîzasyonî ya Şaredarîya Bajarê Girdî ya Diyarbekirî (DÎSKÎ) semedo ke qezaya Şankuşî de probleme awe safî bikero dest pê xebatan kerd.

Midurê pêroyî yê DÎSKÎ Fırat Tutşı semedê safîkerdişê probleme awe ya Şankuşî Şaredarê Şankuşî Alı Suat Akmeşe reyde çimeyê awe wekenit û derheqê xebatan di agahî girewt.

Tutşî da zanayene ke semedo ke qezaya Şankuşî 7 saet 24 roje bê mabên awe bigîre xebatanê xo domneno û bade qaLîkerdişê xo wina domna :

Ma nika çimeyê awe ya ke taxa Malkayayî de ca gêno ra seba Şankuşî awe peyda kenî û ma do xebatanê xo uca de zêde bikerê. Bi raştî awa ke Şankuş gêna bes a labele ma awe zaf zayî kenî aye ra ma kêmanîye ancenê,Ganî hemwelatê ma awa şimitişî awedayişê hega û baxçeyan de mexebitnê.”

Şaredarîya Girdî do qezaya Aktaşî de semedo ke awedayişê zîretî de bêra xebitnayiş goleke awan bikero.Serekê Dayîreyê Bêja ya Şaredarî Nıhat Nurbakı zî semedê awankerdişê goleke Tutşı reyde qezaya Şankuşî ziyaret kerd.