Midurîya Awe û Îdareyê Kanalîzasyonî ya Şaredarîya Bajarê Girdî ya Dîyarbekirî (DÎSKÎ) semedo ke hemwelatîyan qedexeyê tebervejîyayişî de hetê awe, kanalîzasyon û binawanî de zehmet nêancê bê mabên xebatanê xo domenno.

DÎSKÎ tamîme Qabîneyê Serekkmarîye ra dima qepsema qedexeyê tebervejîyayişî ya 17 rojane de semedo ke hemwelatîyan rojanê qedexeyî keyeyanê xo de hîna weş biveynê arizayan rê ca de mudaxale kenê.

Ekîbê DÎSKÎ 17 qeza de 7 roje û 24 saetê bê mabên goreyê îxbaran û arizayan xebatanê xo domneno. DÎSKÎ bê îxbar û arizayan gora malpera xebatan zî xebatanê xo domneno.

Midurê Pêroyî ya DÎSKÎ M. Fırat Tutşı xebatan sehan û derheqê xebatan dia gahî girewt. Tutşı da zanayene ke xebata DÎSKÎ her cayê bajarî de dewom keno û gerreyanê ke ALO 185 ra yenê ca de yenê wekenitene. Tutşı badê qalîkerdişê xo wina domna: “Ma semedo ke hemwelatîyan keyeyanê xo de roşanêk hîna weş û keyfweş biveynê heme tedbîranê xo girewt.Personelê ma hem arizaya tesîsê sefênayişê awe, hem tesîsê sefênayişê awa eşte, hem zî arizaya ciewnîyayişê qenal û vîdanjoran rê ca de mudaxale kenî. Xebatkaranê ma şewe û roje bê mabên semedê hemwelatê ma xebetiyenî tîya ra înan rê zî zaf spas kena.”