Midurîya Pêroyî yê Awe û Îdareyê Kanalîzasyonî ya Şaredarîya Bajarê Girdî ya Dîyarbekirî semedo ke, hemwelatîyan wexto ke hamnan yeno awe danê baxçeyan û awe îsref mebo veng da.

Midurîya Pêroyî yê Dîskî hişyarî da ke wexto ke hamnan yeno çimeyê awe benê ziwa û aye ra zî ma gereke awe zêde ra îsref mekerê û awa şimitişî awedayîşê baxçeyan de mexebitnê.

Midurê Pêroyî ya Dîskî Fırat Tutşı derheqê mesela de qalîkerdişêk viraşt û da zanayene ke wexto ke hamnan yeno xebitnayişê awa şimitişî bena zêde û semedo ke hemwelatê ma hamnan de zehmetî nêancê gereke nika ra tedbîranê xo bigîrê awe îsref mekerê.

Tutşı da zanayene ke awe heqê herkesi yo û aye ra ganî ma bi balkeşî bixebitnê û badê wina vat: “Eke ma wazenê awe bipawê ganî ma xebitnayişê awe de xuyê xo yê xirasb biteriknê.Ganî ma sibaroja xo zî bifikrê. Îsref nêkerdişê awe bêrpirsîyarîye ma yê hempar o û ereke ma baxçeyê sîteyan saetanê şewe de awe bidê.Eke ma wazemê zergûnînan bipaê ganî saetanê şewe biweçînê.”