Midurîya Awe û Îdareyê Kanalîzasyonî ya Şaredarîya Bajarê Girdî ya Dîyarbekirî (DÎSKÎ) 4 hezar metre şebekeyê awa şimitişî ravist û problemê awa şimitişî ya taxa Çarikli çareser kerd.

DÎSKÎ semedo ke problemê awa şimitişî ya taxa Çarixli (Yeşılvadı) çareser bikero dest pê xebatan kerdbî û ekÎban xebatanê xo kerd temom.Qepsema proje de awa sondaje, depoyê awe ya 1000 metrekup qapasîteyin û 4 hezar metre zî şebekeyê awe virazîya.

Bedelê projeyî 1 mîlyon û 600 hezar TL bî û endî birîyayişê elektrîkî de zî hemwelatîyan eşkenê biresê awa şimitişî. Midurê pêroyî ya DÎSKÎ M.Fırat Tutşı da zanayene ke 15-20 lt/sn awa sondaje ya zêde ame neqlkerdişê depoyê awe û badê Tutşı qalîkerdişê xo wina domna: “Ma ganî awe îsref nêkeme û qîymete awe bizanê. Awa ke inka taxa Çarixli gêno ci ra beso labelê tayê hemwelatê ma awa şimitişî semedê awedayişê hega û baxçeyan şuxulnenê aye ra zî problem beno. O semed ma hemwelatê xo ra wazene ke awa qeçax mexebitnên û kesê ke aboneyîya awe çina abenîya xo bivirazê. Xebata newe taxa Çarili rê xeyrin bo.”