Şaredarîya Bajarê Girdî ya Dîyarbekirî semedo ke hemwelatîyan birehetî aşle bibê Ortogar de nuqteyê aşleyî akerd û ekîbê Midurîya Weşîye Bajarî ya Peyasî hemwelatîyan bê randevu aşle kenî.

Şaredarîya Bajarê Girdî ya Dîyarbekirî semedo ke aşlebîyayişê hemwelatîyan hîna asan bikerê, Otogarê Dîyarbekirî (DÎŞTÎ) de bê randevu hemwelatîyan aşle keno.

Xebatkarê şaredarî hetêk ra otogar de derheqê xebata aşlekerdişî de agahî dane hemwelatîyan û heto bîn ra zî hemwelatîyan dawet kenî. Xebatkarê weşîye zî hemwelatîyan hem teşwîk hem zî aşle keno.

Hemwelatê ke wazenê aşle bibê,xebatkarê otogar û şoföre otobusan formo razîbîyayişî îmza kenî û badê eşkenê aşleyê SinoVac yan zî BionTech bibê. Xebatkarê weşîye hemwelatîyan îqaz kenî ke aşleyî ra dima biney îstîrahat bikerî.