Semedê pawitişê Awbenda Dîcle 6 heb tekneye bi cereyan û îstîxdamê 100 heb cinîyê cîngane yê ke sey “dom” yenê zanayiş protokole virazîya û Walîyê Dîyarbekirî û Serekwekîlê Şaredarîya Bajarê Girdî ya Dîyarbekirî Alî Îhsan Su, merasîmê îmzakerdişê protokole bîyî.

Walî Su tewrê merasîmê îmza ya projeyanê ke pê destegê Wezaretê Sanayî û Teknolojî virazîyeno,bîyî û da zanayene ke Wezaretê Sanayî û Teknolojî û Ajansê Averberdîşê Qerejdaxî semedê averşîyayiŞê Dîyarbekiî xebatanê zaf girîng virazenê.

Walî Su derheqê destegê projeyan ke hetanî nika virazîyayo agahî daye û da zanayene ke hetanî nika 41 projeyî rê 282 mîlyon 8 henzar lîra desteg dîya.

Walî Su bal ont giringîya projeyan ser o û kîfş kerd ke qezaya Gêlî demê peyênan de aver şino û hetê turîstan zî raştê eleqeyêko hewl yeno.Walî Su kîfş kerd ke semedê pawitişê Awbenda Dîcle û awa şimitişî, tekneye ardûyê fosîl aşma Nîsane ra nata ameyê qedexekerdiş û nika herinda înan de 6 tekneyê bi cereyan yena erînayiş û bade qalîkerdişê xo wina domna:” Pêroyî de 14 mîlyon û 479 henzar û 45 lîra mesref şina nê projeyan.Ma wezarete ra 11 mîlyon û 483 henzar û 136 lîra hîbe girewt û ma do zî 2 mîlyon û 895 henzar û 809 lîra xerc bikerê û ma do semedê peymitişî qelîteyê awe cîhaz bierînê.Ma do saya ina cîhaze de zî hem pakîye awe kontrol bikerê hem zî awa xo hîna pak bigîrê.Heto bîn ra zî ma do turîzmê Dîyarbekirî aver berdê.”

Ma do cinîyanê “dom” îstîxdam bikerê

Walî Su da zanayene ke ina proje de cinîyanê “dom” ke qismê dezavantajînan yê komele de ca gênê bêrê îstîxdamkerdiş.Walî Su qalîkerdişê xo wina domna:”İna proje semedê cinîyanê cîngane ke sey “dom” yenê zanayiş virazîyeno.Ma wazeme ke elemanê bi qalîfîye biresnê û saya ina projeye de zî 100 heb cinîyanê dom biresnê û sektorê citare de îstîxdam bikerê aye ra zî ina proje zaf girîng o. Pêroyî de 14 mîlyon û 479 henzar û 45 lîra mesref şina nê projeyan.Ma wezarete ra 11 mîlyon û 483 henzar û 136 lîra hîbe girewt û ma do zî 2 mîlyon û 895 henzar û 809 lîra xerc bikerê û hemwelatîjanê cîngane rê xizmetêko baş bideme.”

Qalîkerdişî ra dima mabênê Walî Su û Sekreterê Pêroyî yê Ajansê Averberdîşê Qerejdaxî protokole ame îmzakerdiş