Şaredarîya Bajarê Girdî ya Dîyarbekirî pê projeya EKAY (Îdareyê Eşteyê Huşk ) probleme çopî ya ke 50 serre yo dewom keno safî bikero û pê projeya EKAYî 5ê Hezîrane Roja Dorûverî ya Cîhane de îstîhsalê elektrîkî dest pê bikero.

Heta nika çopanê bajarî depoyê çopî yê ke rayîrê 37 kîlometreyin yo ke mintiqaya Qerejdaxî de ca gênê de bi hewayêko wehşî ameybi îmxakerdiş. Şaredarîya girdi semedo ke pêynî bide na rayîrê wehşî projeya Tesîsê Îdareyê Entegreyê Eşteyê Huşk (EKAY) hadre kerdbi û xebatan se ra 90 qedîya.

Îstîhsalê ceribnayişî virazîya

Qepsema proje de 2 hezar û 50 metrekareyin ca de santrale îstîhsalê enerjî virazîya û 10 hezar metrekupin balone gaz ame montekerdiş. Ekîban gazo ke çopan ra ame îstîhsalkerdiş, dekerdê balone û heme xebata kalibrasyon û teknîkî virazîya. Çarçiwa proje de hedefo yewin ya proje îstîhsalê elektrîkî ame ceribnayiş. Etaba dîyin de zî unîteyê cîyakerdişî û sehayê depokerdişî bêro viraştiş.

Rêveberê ina bajarî pê serreyan dest nê panayî ina meseleyi

Walî Karalogluyî vîr vîst ke semedo ke probleme çopî ya ke 50 serre yo dewom keno safî bikero û depokerdişê çopî ya wehşî biqedîno projeya EKAYî ameyo viraştiş û bal ont ke heta nika merkeze bajarî de û qezayan di çopan pê hewayêko wehşî ameyo arêdayiş û bade wina vat : “İna dem de ne nêbeno. Mi par 16. Hezîrane de dest pê wezîfe kerd û 17. Temmuze de zî yane aşmêk dima mi îhaleyê ci viraşt, ina mesele xebata mi na sifte yo ke mi îhale kerd. Rêveberê ina bajarî hetanî nika dest nê panayî ina meseleyi. Projeyê EKAY de xebata serrastkerdişê cayê depokerdişê çopî qedîya. Ma gazê mintiqa arê dayî û sanralê elektrîkî awan kerdî. Ma do 5ê Hezîranê de sifte yo ke metan gazî yê çopan ra îstîhsalê elektrîkî bikeme. “