Walîyê Dîyarbekirî Munır Karaloglu emser sey serrayê fêkîyan aşkera kerdbi. Şaredarîya Bajarê Girdî ya Dîyarbekirî dest pê xebatan kerd û emser 30 hezar darî rê 50 hezar tehm bêrê viraştiş.

Ekîbê Serekîya Dayîreyê Bêjayî ya Şaredarîya Girdî pê xebate daranê kêmber pê tehmnayîşê açarnano daranê goze, findiqe û vame. Qepsema projeyi de emser 30 hezar darî rê 50 hezar tehm bêrê viraştiş.

Citkaranê ke Sîstemê ÇKS de qeyde înan estê îstîfade bikerê. Heta nika 10 hezar darî rê tehmê goze virazîya. Pê tehmnayîşê daran îstîhsalê vame û goze zede bibe.

Sewbînan Serekîya Dayîreyê Bêjayî ya Şaredarîya Bajarê Girdî ya Dîyarbekirî aşkera kerd ke pê hezaran mî pê Mîşutê Mobıl bêrê dezenfektekerdene. Taxanê ke heywandarîyê kenê de pê Mîşute Mobıl, bi hezaran mî hînî leze bêrê dezenfektekerdene. pê Mîşutê Mobîl saetê de hezar mî bêrê şutene. Mîyan mabênê ina serrî de di rey bêrê şutene û mîyan nêşewî û parazîtan ra Bêrê pawitene. şedênayiş

100 citkarî rê makînayê bêrî

Şareadrîya Girdî semedo ke îstîhsalê şitî de vere probleman bigîrê pêroyê bajarî de 100 heb makînayê bêrî vila bikero.

Sewbînan 21 citkarî rê makînayê şedênayişê hengure bê pere bêro hîbekerdiş.

Şaredarîya Girdî semedo ke piştî bide citkaran 20 heb zî makînayê vame vila bikero.

Serekîya Dayîreyê Bêjayî Şaredarî semedo ke piştî bide hingimênî zî 94 citkarî rê piştgirîyê makînayê hingîmenî vila bikero.

55 golekê heywanan bêro awankerdene

Şareadrîya bajarê Girdî ya Dîyarbekirî semedo ke vere vinîbîyayîşê goşt û şitî bigîrê emser 55 golekê heywanan awan bikerê. Temombîyayişê îhaleyê golekan xebatan dest pê bikero.

Sewbînan Serekîya Dayîreyê Bêjayî Şaredarî semedo ke hemwelatîyan cayanê zîretî de zehmetê awedayişî Nêancê 55 hewzê awedayişî bêrê awankerdene.

Ekîban semedo ke hemwelatîyan teşwîkê îstîhsalê gameşan zî bikerê hhewzê lince gameşan awan bikerê.

24 taxî de ofîsê muxtaran

Serekîya Dayîreyê Bêjayî Şaredarî semedo ke muxtaran xebatêko hînî weş bide şarî û probleme înan ca de çareser bikero 24 taxî de ofîsê muxtaran abikero.

Ofîsê muxtaran ser cayêko 30 metrekare prefabrik bêro viraştiş û 12 heb ofîs qezaya sûrî de 4 heb qezaya baxlarî de 8 heb zî qezaya Yenîşehrî de bêro awankerdene.