Şaredarîya Bajarê Girdî ya Dîyarbekirî, Kuçeyê Hunerî de xebatanê binawanî û serawanîye viraşt û esnafê Kuçeyê Hunerî xebatanê şaredarî ver zaf keyfweşî.

Şaredarîya Bajarê Girdî ya Dîyarbekirî Kuçeyê Hunerî yo ke sey sembolêk o de probleme binawanîye çareser bikero xebatan dabi dest Pêkerdiş. Şareadrîya GirDî xebatanê xo qedîna.

Serekîya Dayîreyê Civiraştişê Rayîr û Koordînasyonê Şaredarîya Girdî, Kuçeyê Hunerî de semedo hemwelatîyanz ehmetî nêancê û bi taybetî zî hewayê şilî de rehetî şêrê bêrê û awzenîyê otoparqê kuçeyî biqedîno binge kuçeyî xêz kerd.

Ekîbê şaredarî binge kuçeyî ya 270 metre dergi û 27 metre hîreyî de 4 hezar û 200 metrekare membran ravist û binawanîye kuçeyî ame xêzkerdiş. Qepsema weşkerdişê kuçeyî de semede şilîye rayîr û peyarayîran 460 metre izxara virazîya.

Semedo ke saetanê şewe de rayîrê Kuçeyê Hunerî hîna weş biasîyo her di hetê rayîrî rê dîregê roşnîkerdişî virazîya û ekîban 3 hezar û 800 metrekare kerrayê bazalt ravist.

SerekÎya Dayîreyê Park, Baxçe û cayanê Zergûnînan ya Şaredarîya Bajarê Girdî ya Dîyarbekirî pê qedîyayişê xebatanê binawanî dest Pê xebata peyzajî kerd.

Xebatanê serawanî û binawanîye şaredarîya girdi hetê esnafaNê Kuçeyê Hunerî raştê eleqeyêko weş ame.

Esnafî xizmetê şaredarî ra zaf razî yê

Xebitnayoxê otoparqî Kuçeyê Hunerî ya Veysı Nart îzeh kerd ke tîya de zaf problem estbi labelê selahîyetdaran hetanî nika qet mudaxale nêkerdê.Badê Nartî qalîkerdişê xo wina domna: “Se ke Walîyê ma Munır Karalogluyî problemê tîya ra hayîdar bo dest pê xebatan kerd û probleme otoparka ma hema hema qedîya. Kuçe de zaf xebat ame viraştiş û esnafê ma zî xebatan ver zaf keyfweşî. Ma ewilî Walîyê ma Munır Karalogluyî rê, Sekreterê şaredarîya Girdî Ayhan Kardan û Şaredarê Yenîşehrî rê spas kenî.

Xebitnayoxê kafeyi Cemal Akinî îzeh kerd ke hetanî nika rêveberîyê bajarî tîya de xebatêk nêkerd û bade wina vat : “Kuçeyê Hunerî de bi serreyan xizmet çinbî aye ra tîya cayêko bêveng bi. Ma problemê tîya zaf reyan resa rêveberîyê kehen labelê ma netîceyêk negirewt. Labelê se ke nê probleman resa Walîyê ma Munır Karalogluyî xebatan ca de dest pêkerd. Ma xebatanê tîya ver zaf keyfweşî û ma Walî Munır Karalogluyî rê spas kenî.”

Esnafan ra Mehmet Gezener zî dîyar kerd ke çareserbîyayişê problemê Kuçeyê Hunerî de lebateyê Walî Munır Karalogluyî û Qeymeqamê Yenîşehrî zaf girîg o. Gezenerî keyfweşîyê xo pê ina qalîkerdişê ard ziwanê xo ser : “Kuçeyê Hunerî pê xebatanê şaredarîya girdi nika zaf weş bi û endî hîna weş aseno. Înşallah pê ebateyê ma zî Kuçeyê Hunerî hîna weş bo. Tayê qemasîyê ma zÎ estê labelê ma nê qemasîyan resayî selahîyetdaran. Ez Walîyê ma Munır Karalogluyî rê û Şareadrîya Girdî ra zaf spas kena.”