Emser mabênê 9-12ê Hezîrane de çalakîyê Temaşekerdişê Asmênî ya Keleya Zerzewanî yo Mîyanneteweyî bêra viraştiş û Şareadrîya Bajarê Girdî ya Dîyarbekirî semedê çalakîyan cayê çalaki de xebatanê xo qedînay.

Keleya Zerzewanî yo ke 3000 hezar serrî de yo û Lîsteya Mîrasanê Cîhane ya UNESCO de ca gêno emser reyna mabênê 9-12ê Hezîrane de çalakîyê Temaşekerdişê Asmênî ya mîyanneteweyî rê wayîrî keno û Şaredarîya Girdî zî semedê çalakîyan Keleya Zerzewanî de xebata serawanî û binawanî qedînay.

Semedê mêmanan ca ame hîrekerdiş

Serekîya Dayîreyê Ciewnîyayiş û Viraştişê Rayîr û Koordînasyonê Binawanî ya Şaredarî Keleya Zerzewanî de semedê mêmanan xebata hîrekerdişî viraşt.Çarçiwa xebatan di pê 6 hezar û 250 metrekup malzeme xebata pirrkerdişî virazîya û cayê çalaki ame hîrekerdiş.

Ekîban cayê çalaki semedê mêman û çadiran hîre kerd.

Semedo ke wextê çalakîyan de hemwelatîyan zehmetî nêancê hetê Serekîya Dayîreyê Park, Baxçe û Cayanê Zergûnînan ya Şaredarîya Bajarê Girdî ya Dîyarbekirî xebata zergûnkerdişî virazîya û banqê roniştişî qutîyê çopan ronîya.

Ekîbê Serekîya Dayîreyê Pawitişê Dormeleyî ya Şaredarî zî çopan ard pêser û xebata pakîye viraşt.

Serekîya Dayîreyê Karanê Weşî ya şaredarî zî semedo ke hemwelatîyan tîya de meş û melşeyan ver zehmetî nêancê xebata dermankerdişî viraşt.

Ekîbê Dîskî demêko nêzdî de awe kiriştbi Keleya Zerzewanî û çarçiwa xebatan di 2 hezar û 800 metre şebekeyê awe, 10 metrekup qapasîteyin depoyê awa şimitişî zî ronîyabi xebata binawanî qedînay..