Şaredarîya Bajarê Girdî ya Dîyarbekirî semedê beşdarê îmtîhanê EKPSS kurs akerdbi û hemwelatî astengdar saya ina kurse de îmtîhan de puananê berz girewtî û game bi game nêzdîyê xeyalê xo bîyî.

Serekîya Dayîreyê Xizmetanê Sosyal ya Şaredarî semedê averşîyayişê îstîxdamê karî kursan akeno û hemwelatî saya nê kursan de berê karî akenê.

Hemwelatê astengdar yê ke kewtê îmtîhanê EKPSSyî keyfweşîyê serkewtîşê xo cuyenê. Hemwelatî saya kurse EKPSS îmtîhan de encamê berz girewtê.

Ma ewêze keda xo girewt

Perwerdekar Umıt Kartay da zanayene ke semedo ke hemwelatê astengdar îmtîhanan ra hîna rehet derbas bibê xebatan kenî û astegdaran tîya de dersanê,Tarîx,Tirkî,Hemwelatî,Matematîk û Cografya gênî û Kartayî bade qalîkerdişê xo wina domna:”Ma semedê qedînayişê kêmanÎyê înan, înan reyde, xebitna.Na kurs di serrî ra reyêk a bena û nêzdîyê 6 aşmîd ewam kena. Ma tîya de kursîyeran rê çimê îmtîhanan vila kerd û ma ewêze keda xo zî girewt.”

Saya kurse EKPSS mi îmtîhanê xo weş vîyarna

Kursîre Enver Karakaşe ke 22 serrî de yo û beşê elektrîkî qedînayo da zanayene ke feydeyê kursê înan rê zaf bî.

Karakaşî kîfş kerd ke kurs de kişta perwerdeyan aktîvîteyanê zî virazîyayo û Karakaşî bade wina va:”Ez gruba ortopedîkan ra kewta kursê û ez hewte de 2 roj ameya.Kurs zaf weş şî û mi îmtîhan ra 87 puan girewt.Ez wazena biba memur û endezyarîyê elektrîkî de aver şira.Ez deteg û kedê înan ver Şaredarîya Girdî û perwerdekaran rê spas kena.

Heyecanê mi estbi la reyna zî îmtîhanê mi weş şî

Mervan Ekıncıye zî da zanayene ke saya motîvasyonê mamostayan îmtîhan de encamêko weş girewto û badê wina va:”Mi wa belki ez tîya de astengîyê xo ver problem bianca la qed wîna nêbo.Ma se ke şima zî zanenê ma gamêke pey dest pê cuya xo kenî aye ra zî ganê desteg bidîyê ma.Ma wazeme ke linganê xo ser de bimanê.Homa razî bo mamostayî ma zaf desteg da ma rê û rayê ma roşnî kerd.Roja îmtîhanê heyecabê mi estbi la îmtîhanê mi reyna zÎ weş şî.Ez wazena biba malima komputure.

Ez wazena ke biba mamosta

Yusuf Korkmazî zî da zanayene ke wazeno bibo mamosta û badê qalîekrdişê xo wina domna: “Mi ina kurs ra musa û qeydê xo viraşt.mi terse xo mexlûb kerd û îmtîhan ra 87 puan girewt.”