Şaredarîya Bajarê Girdî ya Dîyarbekirî semedo ke gedeyî û ciwanî tehtîlê hamnanî de boya xo verdê her serre kampa hamnanî akena û emser zî Kampa Hamnanî yê Ciwanan beşdaranê xo mêman keno.

Şaredarîya Girdî nehiyeya Xarpet Gezin de semedê ciwan û gedeyan Kampa Hamnanî yê Ciwanan akerd û ciwanî do hewteyêk uca de mirda xo keyf bikerê.

1500 ciwan û gedeyî ke Banê Zanayîşî û Akademî Lîseyanê Serekîya Dayîreyê Xizmetanê Ciwan û Sporî de wanenê do kampa hamnanî de mirda xo keyf bikerê.

Kampa Hamnanî pê tewrê 120 gede û ciwanî dest pê kerd.Gede û ciwanan do kampa hamanî de hetê perwerdekaranê pîspor atolyeeyanê cîya-cîya branşan di kabîlîyet û zanayîşê xo aver bêrê.

Ekîbê Serekîya Dayîreyê Îtfaîya zî do kampe de gedeyî rê derheqê şewat û honakerdişê şewatî de perwerde bido û tetbîqatî bivirazo.

Ekîbê Yeşîlay û Kizilayî zî babetanê mucadeleyê tîryak û teknolojîyî de perwerde bide.

Gedeyî do hetê pîsporanê asnawî, asnawî zî bimuse

Ekîbê Serekîya Dayîreyê Ciwanan ya Şareadrî do semedo ke wa gedeyî hîstenîkîyê xozayî bimuse û Gola Hezarî bizanê çalakîyê gêyrayîşî serrast bikerê.

Kampe de her roj ponc rey werd diyena ciwanan. Kampe do 8 hewte dewom bikero û hewr hewte ciwan û gedeyanê neweyî mêman bikero.

“Ez reya sifte yo ke yena tehtîl”

Wendekarê Akademî Lîse Nıhat Şik da zanayene ke reya sifte yo ke ameyo tehtîl û bade qalîekrdişê xo wina domna:”Hetanî nika mi firsend^keo winasÎ nêdî. Reya sifte yo ke ez ameya tehtîl.Ma tîya de asnawe kenî, tewrê cîya-cîya çalakîyan benî û nê çalakîyan û tîya Bê pere xizmet dano aye ra zî ez Şaredarîya Girdî rê spas kena.”

Wendekarê Banê Zanayîşî Mursel Çıçeko ke emrê ê 12 serrî de yo, kîfş kerd ke kampa hamnanî ra îstîfade kano û aye ra zÎ zaf keyfweş o.

Wendekarê Enes Çelıkero ke emre ê 13 serrî de yo, da zanayene ke firsendê kampe çin a ke bikero û aye ra zî kampa hamnanî ra zaf keyfweş o.

Wendekarê Akademî Lîse Syıt Demır zî kîfş kerd ke tîya de mabenê xozayî de wextêko weş vîyarneno.