Walîyê Dîyarbekirî Munır Karaloglu : “Ma do biresê heme ciwananê xo. Ma do verrekanê Dîcle pawtê çeqelan nêkerî” vat.

Walîyê Dîyarbekirî Munır Karaloglu Merasîmê Kombîyayişê Sermayegozarîyê Sporî de qalî kerd û protokolê ke mabênê Şaredarî,Walîtîya Dîyarbekirî û 17 qeza de ameyo îmzakerdiş ver keyfweşîyê xo ard ziwanê xo ser.

Karalogluyî vîr vîst ke zafêrê nifusê bajarî ma ciwanan ra yeno meydan û da zanayene ke 20 serreyê pêyen hetê spor û ciwanan de mintiqa ma rê sermayegozarîyê pîl ameyê viraştiş.Karalogluyî îzeh kerd ke pê protokole ke ame îmzakerdiş, probleme binawanîyê sporî bêro çareserkerdiş.

Walî Munır Karaloglu Wezîrê Spor û Ciwanan Mehmet Muharrem Kasapogluyî Rê zîyaretê ey ver spas kerd.

Dîyarbekir de semedê heme sporî cayanê olimpik bêro awankerdiş

Wezîr Kasapoglu da zanayene ke pê ina protokole semede heme sporan cayanê olimpik bêrê viraştiş û badê wina vat : “Protokole ke ma do ewro îmza bikerî bajarî ma biçarne sey merkeze musabaqayê spor û sporbazan. 250 metrekareyin tesis de cayê asnawberîyê ra bigîrê hetanî tenîse heme cayê olimpik estê. İna tesis do semedê Dîyarbekir û mintiqa ci cayêko girîng de bo.”

Qezaya Pîranî de kampê ciwanan yeno awankerdiş

Walî Karalogluyî bal ont ke Dîyarbekir de KamPê Ciwanan çino û aye ra ca de dest Pê xebate kerdo. Netîceyê xebatan qezaya Pîranî de Kampê Ciwanan bêro viraştiş û her çor hetê welatê m ara do ciwanan bêrê tîya û têmîyan bê

Qezaya Sûrî de Parkê Sporî ya Ware Dîcle bêro awankerdiş

Karalogluyî da zanayene ke qezaya Sûrî de cayê munasip zaf çina aye ra nêeşkeno ke cayanê sporî awan bikero. Karalogluyî badê wina vat : “Ma do Parkê Sporî ya Ware Dîcle awan bikerî û hem ciwananê Sûrî hem zî ciwananê unîversîteyî tira îstîfade bikerî.

Karalogluyî badê qalîkerdişê xo wina domna : “Birêz Wezîrê ma ez yew bi yew nêwazena ke nameyê înan vaja labelê pê ina protokolê 17 qeza de merkeze ciwanan, salonê sporî, hewzê asnawî û semede branşanê binan cayê ma est bo. Ez şima rê zaf spas kena. Homa şima ra razî bo. Ma soz dane şima ke inşallah ma do nê sermayuegozarîyan dima biresê heme ciwananê xo. Ma do verrekanê Dîcle pawtê çeqelan nêkerî.”