Şaredarîya Bajarê Girdî ya Dîyarbekirî semedo ke trafîkî hem semede peyarayîran hem zî semede ramitoxan hîna weş bikerê 2 bulvarê neweyî û rayîrê girêdayişê awan keno û Walîyê Dîyarbekirî Munır Karaloglu xebata bulvarê enweyî sehna.

Walî Karaloglu derheqê xebatan di selahîyetdaran ra agahî girewt. Karalogluyî : “Bulvarê newe ya 50 metreyin o ke Bulvarê Elzazîzî û Rîhayî girêdayeno û Bulvarê newe ya 30 metreyin o ke Bulvarê SelehattınEyyubî û rayîrê dorûverî girêdayeno semede hemwelatê ma xeyrin bo” vat.

Walî Munır Karaloglu, Sekreterê Şaredarî Ayhan Kardan û serekê dayîreyan xebatan pîya sehanyî.

Bulvarê neweyî de xebata asfalto germin dest pêkerd

Bulvaro newe ya ke mabênê Rayîrê Rîha û Cadeyê Rîha de virazîyeno û 860 metre dergi û 50 metre hîreyî de yo. Serekîya Dayîreyê Ciewnîyayiş û Viraştişê Ryîr û Koordînasyonê Binawanîye Şareadrîya Bajarê Girdî ya Dîyarbekirî bulvarê neweyî de xebata binawanîye, viraştişê İzgarayê awe qedîna û dest pê xebata asfalto germin kerd.

Ekîbê şaredarî di hetê şîyayiş-amayişê bulvarê de pêroyî de 11 hezar ton asfalto germin rokerê.

Şareadrîya Girdî do pê temombîyayişê xebata asfalto germin bulvarê neweyî de 9 hezar û 800 metrekare parkeyo qumlamayin, 5 hezar metre kerrayê bordur, di hetê bulvarê de peyarayîr û 70 heb zî dîregê roşnîkerdişî bivirazo.

Ekîbê şaredarî bulvarê neweyî ya mabênê Cadeyê Mastfroş û Rayîrê dorûverî ya ke 1200 metre dergi û 30 metre hîreyî de yo, xebata asfaltkerdişî domneno.

Ekîban do pêroyî de 10 hezar ton asfalto germin rokerê û bulvarê neweyî akerê xizmetê şarî.