Şaredariya Bajarê Mezin, bi hevkariya Weqfa ÇEKUL û Yekitiya Bajarên Dîrokî di navberra 23-27ê gulanê de perwerdeya parastina kelepora tarîxî li dar dixe.

Bernameya perwerdeyê li Salona Civînan a Alî Emîrî ya Şaredariya Bajarê Mezin birêve diçe û nûnerên 7 şaredariyên endamê Yekitiya Bajarên Dîrokî tê de cî digirin. Şaredariyên endam Şaredariya Diyarbekir, Mêrdîn, Erzirom, Dîlok, Meletî, Mereş û Nisêbînê ne.

Di bernameyê de di navbera 23-24ê gulanê dê mijarên mîna, “Teknîkên destwerdanê li gorî avahiyan”, 26-27ê gulanê “lêçûn û lêhatina berhemên kevin” û “xebatên restorekirinê ku Şaredariya Bajarê Mezin dimeşîne” dê ji aliyê pisporan ve bêne axaftin.

Di çarçoveya bernameyê de bajarê Diyarbekirê wek nimûne hatiye hilbijartin lewra bi bernameyeke geşt û guzarê dê qadên restorasyonê bêne dîtin û çavdêrkirin.

Di bernameyê de ligel xebatkarên Şaredariya Bajarê Mezin dê xebatklarên saziyên têkildar û fîrmayên taybet jî beşdar bibin.