Şaredarîya Bajarê Girdî yê Dîyarbekirî perwerdeyanê astengdaran ke vergirewtîşê Vîrusê Korona ameybi peydeeştiş newe ra da dest pêkerdiş.

Serekîya Dayîreyê Xizmetanê Sosyal ya Şaredarî semedo ke cuya astengdaran hînî asan bikerê û înan tewrê komele bikerê xebatanê xo domneno.Midurîya Astengdaran ya Serekîya Dayîreyê Xizmetanê Sosyal ya Şaredarî perwerdeyanê astengdaran ke vergirewtîşê Vîrusê Korona ameybi peydeeştiş newe ra da dest pêkerdiş.Astengdaran roja perwerdeyî ya yewîn de ameyî têhet.

Semedê astengdaran roja yewînê perwerdeyî de şayî virazîya û astengdaran hewayo akerde de pê stranan mirda xo keyf kerd.Qepsema perwerdeyan di na hewte kursanê gitar, tembûr û kursê hünere destan bêrê dayene.