Gerînendetiya Giştî ya Kargêriya Avê û Kanalîzasyonê ya Şaredariya Bajarê Mezin (DÎSKÎ), ji bo çêkirina xeta belavkirina avê ya li navçeya Pîranê civînek li dar xist.

DÎSKÎ, berî ku xebatên çêkirinê dest pê bike xebatên etûtî meşandin, ji bo projeya herî baş bo niştecihan pêk bîne bi beşdariya beşên têkildar re civînek li dar xist.

Midûrê Giştî yê DÎSKîyê Firat Tutşî, di civînê de daxuyaniyek da û got ku bi cîbicîkirina vê projeyê re pirsgirêka avê ya navçeya Pîranê heta 2050ê tê çareserkirin.

Tutşî, diyar kir ku pirsgirêka avê ya navçeya Pîranê ku bi salan e heye dê bi vê projeyê hel bibe, li gorî projeyê dê ro 24 saet avê bidin navçeyê.