Şaredarîya Bajarê Girdî ya Dîyarbekirî qepsema xebata miqatkerdişê heywanan de xebatanê ke merkez qezayan di kenê semede qezayê teber zî da dest pêkerdiş.

SerekÎya Dayîreyê Karanê Weşî ya Şaredarîya Bajarê Girdî ya Dîyarbekirî na rey zî semede heywananê kuçe dest pê xebatan kerd. Ekîbe şaredarî pê ekîbê şaredarîyê qezayan semede miqatkerdişê heywanan cayan aşkera kenî. Qepsema xebatan di nê cayon de semedê miqatkerdişê heywanan awe û mama nayê ro. Ekîban çarçiwa xebatan di qezaya Pasûrî de nuqteyê miqatkerdişê heywanan de mama û awe daye heywanan.

70 nuqte de 2 ton û 190 kîlogram mama ame vilakerdiş

Ekîbê Serekîya Dayîreyê karanê Weşî ya Şaredarîya Girdî 29ê Nîsane ra nata semedê mîqatkerdişê heywanan de 70 nuqte de 2 ton û 190 kîlogram mama ame vilakerdiş. Ekîbê şaredarî do 17 qeza de vilakerdişê mamayan bidomno.