Midurîya Pêroyî Awe û Îdareyê Kanalîzasyonî ya Şaredarîya Bajarê Girdî ya Dîyarbekirî semedo ke hemwelatîyan rê awa hîna biqalîteyin bide xebatanê xo domneno. DÎSKÎ 28 taxê bêjayî de xebata sondajî domneno.

Midurîya Pêroyî yê DÎSKÎ merkeze bajarî û qezayan di semede binawanî û awa şimitişî y hîna biqalîteyin xebatanê xo şewe û roje domneno.

DÎSKÎ na rey zî semedo ke probleme awa şimitişî ya 28 taxê bêjayî çareser bikero xebata sondajî da dest pêkerdiş.Bedelê ina projeyi 3 mîlyon 26 hezar TL yo.

Qepsema proje de dewa Pırınçlık û Yolboyu ya ke qezaya Peyasî ra girêdayîyê, dewa Kirmasirt, Kartaltepe, Bahçecık yê ke qezaya Sûrî ra girêdayîyê dewa Akdıbeko corîn ya ke qezaya baxlarî ra girêdayîyê û dewanê merkez yê ke qezaya Karazî ra girêdayîyê de xebat qedîya û awe dîya hemwelatîyan.

Tutşî: “Şarî rê xeyrin bo

Midurê Pêroyî ya DÎSKÎ Fırat Tutşı, Hetkarî Midurê DÎSK3I Selçuk Gorduk û Fatıh Yuruk Serekê AK Partîyê qezaya peyasî Ugur Delıdere reyde pîya dewa Pırınçlık de xebatan sehnayî û “ceribnayîşê pompa” viraşt.

Tutşı derheqê xebatan di wina vat: “Ma xizmetê xo de merkez yan zî taxanê bêjayî de cîyayî nêkenê. Semedê awa weş û biqalîteyin ekîbê ma şewe û roje xebatanê xo domneno.Hetanî nika ma 6 taxî de xebata sondî qedînay û ma do taxanê binan de zî xebatanê xo bidomno.

Tutşî û kesanê pîya vîyartêyê taxa Tabanî yo ke qezaya Peyasî ra girêdayîyê û xebatanê uca ca de sehnayî.