Şaredarîya Bajarê Girdî ya Dîyarbekirî wazena ke serrgera 1382ine Fetihê Diyarbekirî emser bi coş pîroz bikero. Şaredarî programê çalakîyan aşkera kerd.

Çalakîyan 23ê gulande de dest Pêbikero û şîîr û suhbetan ra bigîrê xeyle çalaki bêro viraştiş.

Çalakîya Hewteyê Fetihê Dîyarbekirî pê perrayîşê “Turk Yildizlari” dest pêbikero û 28ê Gulane de çalakîya Şikefte Eshabê Kehfî bêro qedînayiş.

Hemwelatîyan çarçiwa çalakîyan de sergîyê ftrafî ya “Vizêr ra Ewro Dîyarbekir” mabenê 23-28ê Gulane Galerîyê Senetî ya Cuya Muşterek ya Sumerparqî de bigêyrê. Sewbînan hemwelatîyan eşkenê sîteyê diyarbakirsergi.com ser o zî biresê fotrafan.

Zaferê çalakîyan online bêro viraştiş

Serekîya Dayîreyê Kultur û Karanê Sosyal ya Şaredarîya Girdî pê Otobusê Gerok her roje 4 merkez qeza( Yenîşehrî,Baxlar,Peyas û Sûr) de bigêrê û konser bide şarî.

“Dersanê Huzurî “yo ke her aşme medyaya komelkî ya şaredarî de yeno parekerdiş de pê wesîleya Hewteyê Fetihê Dîyarbekirî beşa taybet bêro viraştiş. 25ê Gulane saet 21:30 de pê nameye “Berpirsîyarîyê Cuyayişê Bajarî Eshabe û Pêxemberan” pê beşdarîya Serekê Kranê Dîyanetî yo Kehen Prof. Dr. Mehmet Gormez û Hetkarê Rektorê Unîversîteya Dîcle Prof. Dr. Ahmet Tanyildizî hemwelatîyan ra Bêrê têhet.

27ê gulande de mabenê saetê 05.00-05.30 de Camîya fetih ra hetanê Hz. Suleymanî çalakîya meşîyayişî bêro viraştiş û bade Îçkale de Goristanê Eshabeyan de duayî bêro wendiş.

Dr. Cuma Karan pê panelê “Verê Fetihê Rewşe Mintiqa û Rewşe Sîyasî” û “Seba Îslamî Giringîya Fetihê Amîdî” Tarîxzan Ahmet pê panele “Girewtişê Mintiqa Îslamî ya Dîyarbekirî ”Prof. Dr. Mehmet Akbaş pê panele: “Rastê Yewbînî Amayişê Artêşê Îslamî û Kirdan” hemwelatîyan ra Bêrê têhet.

Vîrusê Korona ver zaferê çalakÎyan online Bêro viraştiş û hemwelatîyan eşkenê sîteyê diyarbakirfetih.com ser o çalakîyan taqîp bikerê.