Rêya girêdanê ya di navbera Hênê û Elezîzê de bi asfalta germ hat nûkirin
Şaredariya Bajarê Mezin a Amedê, di çarçoveya Rêya Komî ya Çukura li navçeya Hênê de, rêya 4,5 kîlometreyî ya ku girêdana bi Beldeya Uçocak a Elezîzê re dabîn dike, bi asfalta germ nû kir. Bi xebatê re şert û mercên rê yên ku bi taybetî di mehên zivistanê de çûnûhat zehmet dikirin, hatin başkirin.
Serokatiya Daîreya Çêkirin, Lênêrîn û Temîrkirina Rêyan, xebatên ku li ser rêya girêdanê ya ku ji ber keviranên parke yên hilweşiyayî li navçeya Hênê di çûnûhatê de pirsgirêk çêdikirin, bi dawî kir.
Li şûna kevirên parke yên hilweşiyayî asfalta germ hat raxistin
Li ser wê rêya ku di çarçoveya Rêya Komî ya Çukurê de cih digire û digihêje Beldeya Uçocak a Elezîzê, keviranên parke yên hilweşiyayî hatin rakirin û li şûna wan asfalta germ hat rijandin.
Xebat li ser rêya 4,5 kîlometreyî bi dawî bûn
Di çarçoveya xebatan de, li ser rêya bi dirêjahiya 4,5 kîlometre û bi firehiya 6 metre, 7 hezar ton asfalta germ hat bikaranîn. Bi rakirina xerabûna rûyê rê re, geşt ewletir û rehetir bû.
Bi başkirina şert û mercên rê yên ku bi taybetî di mehên zivistanê de çûnûhatê zehmet dikirin, têkiliya di navbera Hênê û Beldeya Uçocak de hat xurtkirin.
