Şaredarîya Bajarê Girdî ya Dîyarbekirî semedê hem raywanî hem zî ramitoxî ya konforine akerdiş û hîrekerdişê rayîran domneno.

Serekîya Dayîreyê Miqatekerdişê Rayîran û Koordînasyonê Binawanî ya Şaredarîya Girdî, semedo ke hem raywanî û ramitoxî ya konforine hem zî asayişê trafîkî bigêro xebatanê xo bê mabên domneno.

Ekîbê şaredarî rayîro 50 metreyin o ke rayîrê Xarpêtî û Rîha girêdayeno de, Bulvarê Mezopotamya û Cadeyê Sewreg, Evrım Alataş, Mastfroş û Abdulkadır Akarsu de pê xebata raştkerdiş û hîrekerdişê rayîran xebatanê xo domnenê.

Ekîban qezaya Peyasî cayanê ke newe îlaweyê bajarî bîye de, 1 bulvar û 2 rayîrê newe de xebata asfalto germin û peyarayîrî domneno.

Şaredarîya Girdî semedo ke trafîkî têmîyan mebo xebata Cadeyê Evrım Alataşî ya qezaya Baxlarî pê etaban virazeno.

Ekîbê şaredarî etaba sifte qedînayî û etaba dîyin de zî asfalto germin rokerê.