Şaredarîya Bajarê Girdî ya Dîyarbekirî semedo ke hemwelatîyan goreyê qedexeyê tebervejîyayişî hereket bikerê pê 3 ziwanî (Tirkî, Kurdî û Zazakî ) pêhesnayişî keno.

Wezaretê Karanê Zereyî çarçewa tedbîranê Vîrusê Korona de tam^mêk weşana û goreyê tamime qedexeyê tebervejîyayişî yo ke 29ê Nîsane saetê 19.00 de dest pêkerdbî û heta 17ê Gulane roja Seşemeyî saetê 05:00 dewom bikero. Şareadrîya Girdî zî semedo ke derheqê qedexeyî de agahî bide hemwelatîyan pê 3 ziwanî (Tirkî, Kurdî û Zazakî ) pêhesnayişê tedbîran kenê.

Ewilî sebr badê roşan

Serekîya Dayîreyê Zabita pê pêhesnayişê ke pê hîre ziwanî hadre kerdbî kuçe kuçe gêyreno û hemwelatîyan îqaz keno. Pêhesnayiş de wina yeno vatene:” Ma ganî goreyê qeydeyan hereket bikerê ke fedakarîye ke ma heta ewro kerd veng ra meşo .Heta ke ma mecbur nîyê mevejên teber. Ewilî sebr bade roşan. Remezano xeyrin.”

Ekîbê şaredarî pêhesnayişî heta pêynîya qedexeyî bidomno.