Şaredarîya Bajarê Girdî ya Dîyarbekirî qezaya Baxlarî taxa Baxcilar de rayîranê Cadeyanê Heskîf,Newroz û Azadî de xebata asfalto germin qedînay.

Serekîya Dayîreyê Ciewnîyayişê Rayîr û Koordînasyonê Binawanî ya Şaredarîya Girdî semedê raywanî û ramitoxîyêko hîna rehet û konforine xebatanê xo domneno.

Cadeya Heskîfî 1370 metre dergi û 25 metre hîreyî de yo û uca de 2 henzar û 700 ton xebata asfalte virazîya.

600 metre dergi û 25 metre hîreyî Cadeya Azadî de 1250 ton xebata asfalt virazîya.

2 henzar û 200 metre dergi 30 metre hîreyî Cadeya Newrozî de 10 henzar ton xebata asfalte virazîya.

Serekîya Dayîreyê Park Baxçe û Cayanê Zergûnînan ya Şaredarî Cadeyanê Heskîf û Newroz de xebata peyzajî qedînay û Cadeya Azadî de zî xebata peyzajî dewam kena.