Şaredarîya Bajarê Girdî yê Dîyarbekirî pê Sendîkayê Genel Îş ra peymana karî îmza kerd.

Semedê karkeranê şaredarî, mabenê Şaredarîya Girdî û Sendîkayê Genel Îş peymana karî pê merasîmêk ame îmza kerdiş.Merasîme peymane rê Walî û Serekwekîlê Şaredarîya Bajarê Girdî yê Dîyarbekirî Hasan Basri Guzeloglu, Sekreterê Pêroyî yê Şaredarîya Bajarê Girdî yê Dîyarbekirî Muhsin Eryilmaz, Midurê Asayîşê Bajarî Şukru Yaman, temsîlkaranê sendika , serekê dayîreyanê şaredarî û karkeran beşdar bîyî.

Merasîm pê wendîşa Marşa Îstîqlalî û vindertişê hurmetî dest pêkerd.Serekê Sendîkayê Genel-Îş ya Dîyarbekirî Kamuran Taş xebatanê ey ver Walî Guzelogluyî rê spas kerd.

Walî Guzelogluyî aşkera kerd ke na peyman semede heme karkeran çîyêko girîng o û şaredarî pê heme karkeranê xo semede bajarê xo şewe û roje xebetiyenê.

Pêroyî de na peyman semedê 651 karkerî ame îmza kerdiş û karkeran pê wesîleya na peymane heqanê newe heq kerde.