Şaredarîya Bajarê Girdî ya Dîyarbekirî semedo ke bajarî ma hîna weş biasîyo û teserrif bikero û nebateyê xo biresno şitilgehêko newe awan keno.

Şitilgehê Şaredarîya Girdi 26 dekar cayêk ser o taxa Şilbê de mabênê TOKI de ca gêno û endî îxtîyacîyê bajarî teyna neeşkeno bivîyarno, aye ra şareadrî şitilgehêko newe awan keno.

Şaredarî do çarçiwa xebatan di qezaya Peyasî hemverê Daristanê Bajarî de 95 metrekare cayêk ser o şitilgehêko newe awan bikero.

Merkezê şitilgehî ya newe de 45 hezar metrekare cayê depokerdişê nebatan, 50 hezar merekare de cayê îstîhsalî, 1800 metrekareyin cayêk de sera 3u 5 hezar metrekareyin ca de zî 50 tunele bêrê viraştiş.

Serekîya dayîreyê Park Baxçe û cayanê Zergûnînan ya Şareadrîya Bajarê Girdî ya Dîyarbekirî bi wesîleya şitilgeho newe serranê 3 mîlyon û 500 hezar vilê mewaîmî, 30 hezar şirqat, 15 hezar leyekê darî biresnê û bi ina wesîle şareadrî do teserif bikero.

Merkezê îstîhsalkerdişê nebate de xebatan dest pêkerd

Şaredarîya Girdî xebata şitilgehe newe de etaba yewin dest pêkerd.

Ekîban çarçiwa xebatan di 48 hezar metrekup ca de xebata kinitişî viraşt û nika 27 hezar metreküp ca de xebata dolgu domneno.