Şaredarîya Bajarê Girdî ya Dîyarbekirî vere roşanê Qurbanî heme cayon di teftîşanê xo kerdbi û Serekîya Dayîreyê Zabita zî no qepsam de market û beqalan di teftîşê çatapat û maytapan kerd.ŞaredarÎ cayê ke çatapat û maytap depokerdbi ceza birna û dest rona ser înan.

Serekîya Dayîreyê Zabita ya Şaredarî vere roşane dest pê teftîşê çatapat û maytapan kerdbi û ekîbê şaredarî roşan de zî teftîşanê xo domna.Ekîbê zabita market û beqalan di teftîşê çatapat kerd û cayê ke depokerdbi ceza birna û pê zebt dest rona çatapat û maytapan ser.

Serekîya Dayîreyê Zabita ya şaredarî aşkera kerd ke heta pêynîya roşane teftîşan dewom bikero û bi vîr vîst ke hemwelatîyan eşkenê ALO 153 ser o gerreyanê xo bikerê.