12 serrî verê cû wexto ke minûbûsa zirxin ya eskerîye verê derxaneyêk de vîyartêne bombaya ke verê cû wesayîtêk de ameybî ronayîş, teqabî û nêtîceyê ci de 6 wendekar pêroyî de 7 kesî şehît kewtbî.Walî û Serekwekîlê Şaredarîya Bajarê Girdî ya Dîyarbekirî Hasan Basri Guzeloglu tewrê merasime yadkerdişê Şehîdanê 3ê Çele bî.

Qzaya Yenîşehrî de 12 serrî verê cû wexto ke minûbûsa zirxin ya eskerîye verê derxaneyêk de vîyartêne bombaya ke verê cû wesayîtêk de ameybî ronayîş, teqabî û nêtîceyê ci de 6 wendekar pêroyî de 7 kesî şehît kewtbî û semedê înan merasîmê yadkerdişî virazîya.Merasîm rê Walî û Serekwekîlê Şaredarîya Bajarê Girdî ya Dîyarbekirî Hasan Basri Guzeloglu, Parlementeranê Dîyarbekirî Oya Eronat û Ebubekir Bal, Qeymeqam û Hetkarê Walîyê Nihat Karabiber, Qeymeqam û Serekwekîlê Sûrî Abdullah Çiftçi,Qeymeqam û Serekwekîlê Peyasî Unal Koç, Qeymeqam û Serekwekîlê Yenîşehrî Murat Beşikçi, Fermandarê Cendermeyî Tuggeneral Mustafa Başoglu,Fermandarê Teyaregehê Jetan ya 8an Tuggeneral Ali Ozmen, Rektorê Unîversîteya Dîcle, Prof.Dr.Talip Gul, Midurê Asayîşê Bajarî Şukru Yaman,Midurê Perwerdeyê Milî ya Bajarî Feysel Taşçier, midurê lijneyan û dezgeyanê sîvîlan, wendekar û mamostayan, keyeyan û hemwelatijan beşdar bîyî.

Merasîm pê wendîşa Marşa Îstîqlalî û vindertişa hurmetê dest pêkerd.Badê merasim pê duayan dewam kerd û semede yadkerdişê şehîdan sînevîzyonêk ame temaşekerdene.Merasîm de Midurê Perwerdeyê Milî ya Bajarî Feysel Taşçier qalîkerdişêk viraşt û badê Parlementer Oya Eronate ke no serbût de lajê xo vînî kerdibî qalîkerdişêk kerd û aşkera kerd ke no dejêko gird o.

Badê giringîya nar oje ser o Walî û Serekwekîlê Şaredarîya Bajarê Girdî ya Dîyarbekirî Hasan Basri Guzelogluyî zî yew qalîkerdişêk viraşt û “Ganî ciwananê ma xo vîrî meke.Kes verê kesanê bawerkerdox nêeşken vindê.Homa ewilî sebr bido keyeyanê şehîdanê ma.Ewro bi esteyê manewî Eren Şahin, Ridvan Suer, Ferhat Mutlu, Engin Taşkaya, Salih Ekinci, Melek İpek, Cengiz Kaya zî m ara yo.Ez heme şehîdanê xo bi rehm yad kena.Gonîyê şehîdanê ma erd de nêmendo.Nê xayînan bedele no îxanetîyî daye û bêgûman biderê.Homa polis û eskerî m ara razî bo.Homa şima bipawo” vat.

QalîkerdiŞê Walî Guzelogluyî ra dima mammostayanê Lîseyê Fenî ya Rekabet Kurumu semede şehîdan klaman vatî.