Rojnameyê Fermî de 09 06 2021 de qanûnêk vejîya û bi no qayde hemwelatîyê ke deynê înan esto, firsendêk dîya înan. No ser o Şaredarîya Girdî zî dest pê xebatan kerd û netîceyê xebatan de Şaredarî deynanê bacî yê hemwelatîyan kenê texsîdan.

Şaredarîya Girdî pê qanûne dayîşê deynan firsend dano hemwelatîyan ke deynê bacî, ecrîmîsîl, eşteyê huşk, eşteyê tibî, resî, deynê reklam û pêhesnayişan bikerê texsîdan û yan zî deynê xo yewca de bidê.

Hemwelatîyan cezayê îdarî zî eşkenê bikerê texsîdan. Eke hemwelatîyan deynê cezayê îdarî bikerê texsîdan û badê deynê xo yewca de bidê deynê înan se ra % 25 beno kêm.

Eke hemwelatîyan deynê xo bikerê texsîdan zî se ra % 12,5 deynê înan beno kêm. Labelê şertê texsîtkerdişê deynan sey binan o. Ganî hewmelatîyan texsîdê yewin û dîyin bibo nêbo bidê.

Hemwelatîyan do texsîdê yewin 30ê Îlone roja Panşeme de bide û hemwelatîyan eşkenê deynê xo bikerê 6-9-12-18 texsîdan.Eke hemwelatîyan goreyê Yİ-ÜFE heme deynê xo bide zamê ereybîyayişî û faîzî înan ra nêno girewtiş.

Deyndaran eşkenê xeta 0 412 229 48 80-90, Daxîlî : 5017-5018-5020-5023-5024 ser o agahî bigîrê.