Mudirîya Pêroyî ya Awe û Îdareyê Kanalîzasyonî ya Şaredarîya Bajarê Girdî ya Dîyarbekirî (DÎSKÎ( deynanê awe kena texsîd.Hemwelatîyanê ke verê 30ê Nîsane serre 2021 de deynanê înan estê eşkenê ina kampanya ra îstîfade bikerê.

Faîzê deynan nênê girewtiş

Rojnameyê Fermî de 09 06 2021 de qerarnameyêk vejîya yê hûmara û bi no qayde hemwelatîyê ke deynê înan esto, firsendêk dîya înan. Nos er o DÎSKÎ zî dest pê xebatan kerd û netîceyê xebatan de Dîskî deynê hemwelatîyan kenê texsîdan.

Hemwelatê ke verê 30ê Nîsane 2021 de deynê înan estê eşkenê ina kampanya ra îstîfade bikerî.Hemwelatîyan eşkenê hetanî 31ê tebaxe 2021 muracaatê xo bivirazê.

Midurê Pêroyî ya DÎSKÎ M. Fırat Tutşı da zanayene ke ina kampanya semede hemwelatîyanê deyndar firsendêko pîl o û bade wina vat: Ma 9ê Hezîrane ra nata destpêkî girewtişê muracaatan kerdê. İna kampanya semede dayîşê deyne awe firsendêko pîl o, aye ra ganî heme hemwelatîyanê deyndar îstîfade bikerî.

“Dîskî deynan keno 18 texsîd”

Tutşî kîfş kerd ke hemwelatîyan eşkenê sîteyê DÎSKÎ (Diski.gov.tr) ser o û xeta ALO 185 ser o agahî bigîrê.Tutşî bade wina vat : “Hemwelatîyan hetêk ra eşkenê deynanê xo bikerê 18 texsîd heto bîn ra eke yew abone biwazo eşkenê deynê xo heme yewca de bido.

Pêroyîyê deynê awe 108 mîlyon Tl yo

Tutşî vîr vîst ke aşma Çele de zî 22 hezar û 107 aboneyî deynê xo kerdbi texsîtdan û 50 hezar hemwelatî ina kampanya ra îstîfade kerdbi û Tutşî badê wina vat : Me emser semede safîkerdişê binawanîye bajarî ma sermayegozarîyê pîl kerd ê û pê wesîleya sermayegozarîyê ma hetanî serre 2050 problemê awe nêmano.”