Wendekaranê ke Banê Zanayîşî ya Şaredarî ra mezûn bîyî, Îmtîhanê Dekewtişê Lîseyan (LGS) de pêroyî yê Tirkîya de kewt şîle se ra 10î.

Wendekarê ke Banê Zanayîşî ya Şaredarî ser o perwerde girêwtenê, Îmtîhanê Dekewtişê Lîseyan ya serra 2022 de serkewtîşêko berz mojnayî kewtî şîle se ra 10î û nêzdîyê xeyalanê xo bîyî.

“Nê perwerdeyê biqalîteyin teber de pê pere girîyeno”

Wendekarê Banê Zanayîşî Edanur Akbudake ke 13 serrî de ya û îmtîhanê LGS de şîlê se ra 2î de ca girewta kîfş kerd ke serkewtîşê aye de destegê Banê Zanayîşî zaf o.

Akbudake kîfş kerd ke Banê Zanayîşî semedê wendekaran firsendêko pîl o û badê qalîkerdişê xo wina domna:”Mi wextê xo Banê Zanayîşî de derbas kerd û feydeyê tîya mi rê zaf bi.Bi taybetî zî perwerdeyo bê pere semedê zafêrê wendekaran firsendêko pîl o. Nê perwerdeyê biqalîteyin teber de pê pere girîyeno.”

Akbudake da zanayene ke hedefê aye Lîseya Fen3ı ya Borsa Îstanbulî ya û wazena ke biba doktor.

Perwerdekaranê Banê Zanayîşî weçînayîşan de zî desteg dano

Banê Zanayîşîyan de semedê weçînayîşê LGSyî Nuqteyê Daşinasnayişê Weçînayişî ronîya û tîya de perwerdekaran do wendekaran rê destegê weçînayîşî bide.Semedê weçînayîşan tarîxo pêyen 20ê Temmuze roja Çarşeme yo.Mamostayanê şaredarî heta tarîxo pêyen tîya de xizmet bide wendekaran.

Kursê hamnanî dewam kena

Serekîya Dayîreyê Xizmetanê Spor û Ciwanî , semedo ke wa gedeyî tehtîlê hamnanî hîna weş biveynê cîya-cîya branşan di kursê hamnanî dana.