Walîyê Dîyarbekirî Munır Karaloglu, qepsema çalakîyê Hewteyê Fetihê Dîyarbekirî ya “Tûra Bisqilêtan ya Fetih 639 ”de veng da ciwanan. “

Karalogluyî: “Ma wazeme ke feraseto fetih, birayî, kultur û medenîyetî pawtê şima bikeme” vat.

Şaredarîya Bajarê Girdî ya Dîyarbekirî qepsema Hetweyê Fetihe Dîyarbekirî pê cîya-cîya çalakîyan pîroz kena. Şaredarî na rey zî qepsema çalakîyan de “Tûra Bisqilêtan ya Fetih 639” serrast kerd. Çalakî pê şirikîya Serekîya Dayîreyê Xizmetanê Ciwan û Sporî û Komela Yeşıl Yildize ame viraştiş. “Tûra Bisqilêtan ya Fetih 639” Bulvarê Mahabadî Park 75 de dest pê kerd û verê Camîya Hz. Suleymanî de qedîya.

Verê destpêkî turê bisqiletan Walîyê Dîyarbekirî Munır Karalogluyî qalîkerdişêk viraşt.Karalogluyî vîr vîst ke hewteyê pêyen ya aşma Gulane hewteyê fetihî yo û bade wina vat: “Dîyarbekir berê sifte yo ke Anatolia de semedê îslamî abîyo. Ma do 2 roje dima 29ê Gulane de zî Fetihê Estanbolî pîroz bikeme. Fetihe Etsanbolî zî emaret û nîşanêke gird o ke hetanî roja qîyametî nê erdan de bîyayîşê Tirk Îslamî dewom bikero. Her di fetihê ma zî bimbarek bo. Ewro ma pê piştgirîyê Komela Yeşil Yildizî “Tûra Bisqilêtan ya Fetih 639” serrast keno. Tîya ra dest pê bikero û hetanî camîya Hz. Suleymanî yo ke goristanê 27 eshabeyê şehîd têde yo, sey turê arqilîyayişî bêro viraştiş.Ez şarî rê bi taybetî zî ciwanan rê vana ke ma wazeme ke feraseto fetih, birayî, kultur û medenîyetî pawtê şima bikeme.Ma pê nê çalakîyan zî wazeme ciwananê ma tewrê karî bikeme. Ez ewilî kesanê ke ina çalaki te ked werdê bi taybetî zî Komela Yeşıl Yildizî rê badê heme bisqilêthesan pîroz kena. Reyna roja fetihê bajarî ma pîroz bo.”

Karalogluyî qalîkerdişê xo ra dima nîşanê destpêkî turê bisqiletan da.

Çalakî rê Walîyê Dîyarbekirî Munır Karaloglu, Parlemenetrî AK Partî yê Mehdı Eker û Ebubekır Bal, temsîlkaranê dezgeyanê sÎvîlan û stkyan û hemwelatîyan beşdar bîyî.