Walîyê Dîyarbekirî Munır Karaloglu: “Ma dobi wesîleya wesîleya Fetihê Dîyarbekirî semedo ke feraseto fetihî bikuwê zerrîya şarî mabênê 23-28ê Gulane de çalakîyan serrast bikerê.”

Qepsema programê pîrozkerdişê Fetihê Dîyarbekirî de suhbet, panel û cîya-cîya çalakî bêro viraştiş.

Şaredarîya Girdî semedo ke bajarî ma de turîzmê yeqînî aver şêro cxebatanê xo domneno.Şaredarî Eshabê Kehf de hetêk ra xebata restorasyon û peyzajî virazeo û hetêk ra zî kena ke çalakîyê Fetihê Dîyarbekirî uca de bêro pîrozkerdiş.

Walîyê Dîyarbekirî Munır Karaloglu da zanayene ke dezgeyanê sîvîlanê ke derheqê Fetihê Dîyarbekirî xebate kenê ra ameyo têhet û fikranê zaf weş ame meydan. Karalogluyî vîr vîst ke emser sergêra 1382îye Fetihê Dîyarbekirî bêro pîrozkerdiş û badê qalîkerdişê xo wina domna: “Ma semedo ke feraseto Fetihê Dîyarbekirî bikuwe zerrîya hemwelatîyan xeyle pêvînayiş viraşt û netîıceya ci de ma do mabênê 23-28ê Gulane de hewteyê fetihî pîroz bikerê."

Karalogluyî kîfş kerd ke çalakîyan 23ê Gulane de dest pêkeno û heta 28ê Gulane dewom bikero. Karaloglu: “Hemwelatê ma suhbet û çalakîyan eşkenê medyaya komelkî ser o taqîp bikero. Ma wazeme ke goreyê qeydeyê Vîrusê Korona Camîya Pîl de 27ê Gulane de çalakîyêk bivirazê. Hemwelatê ma mabênê 23-28ê Gulanê de ma temaşe bikerê. Ez dua kena ke no herdo ke 1382 serrîyo Azano Muhammedî ser de yeno wendiş Homa ma rê nesîb bikero û hetanê qîyametî sey herdo Îslamî bimano.

Terore mintiqa ma îtîqatê hemwelatê ma rê zî operasyon keno

Karaloglu da zanayene ke her sere 28ê Gulane de hemwelatîyan pê îmkananê xo Şikefta Eshebê Kehf de çalakîyan serrat kenê û çi heyfo ke tayînê dîyarbekirîjan hem çalakî ra hem zî Eshabê Kehf ra bêxeber ê. Operasyonê terorîstan de îtîqatê şarî zerar vînenê û ê îtıqatê şarî rê operasyon kenî. Çi heyfo ke serranê pêyenan de terorîstan destûr nêdayî ke hemwelatîyan qeydeyê îtîqatê xo bîyarê ca. Ma do emser wazena ke Eshabê Kehfo ke xebatanê peyzajî uca de dewom kneo, 28ê Gulane de çalakîyêk bivirazîme. Ma Homayî rê duay kenî û wazeme ke çalakîya aya bîyayişê yedı uyuran bibê wesîleya hîşyarbîyayişê şarî zî.”