Walîyê Dîyarbekirî û Serekwekîlê Şaredarîya Bajarê Girdî ya Dîyarbekirî Alî Ihsan Su qezaya Bismilî de tewrê hesadê zebeşan bîyî.

Roja Hegayê ya Hesadê Zebeşan taxa Mîrzabeyî ya qezaya Bismilî de hegayê citkaranê Hamît û Ikram Atliyî de virazîya.

Walî Su hesade de zebeşêk birna û îqramê rojnamegeran kerd.Walî Su da zanayene ke hesadê Zebeşa Dîyarbekirî dest pê kerdo û badê wina va:”Dîyarbekir wayîrê zaf mehsulanê labele mîyanê înan de zebeş cayêko girîng der a û goreyê serreyan nê zebeşan 45 û 56 kîlogram mîyan de benê.”Su Kîfş kerd ke aşma Elule de zî festîval bêra viraştiş.

Su qalîekrdişê xo wina domna:” Ma hemeyê bajarî de 30 henzar dekar ser o serrane nêzdîyê 121 henzar ton zebeş resnenê aye ra zî semedê ma warîdatêko girîng o.Nê zebeşan pê toximê bapîr yena resnayîş.Semedê dewamê ci zî hem Wezarete ma hem zî Walîtî û Şaredarîya ma citkaran rê desteg danê.”

Walî Su kîfş kerd ke emser 90 dekar de 40 citkarî rê şaredarî destegê zibil û deranî dîyayo û bade qalîkerdişê xo wina qedînay:”Çimkî Zebeşê Dîyarbekirî semedê ma zaf girîng ê.Ma zebeşe xo daşinasnenê, zebeşe ma zî Dîyarbekirî daşinesnena.Ma semedê her hetê cîhane de giranî danê daşinasnayişê zebeşa Dîyarbekirî.”

Walî Su peyNîya qalîkerdişê xo de da zanayene ke zebeşanê pîl Şaredarîya Girdî semedo ke wa desteg bido citkaran erînena.

Walî Su çalakî de beşdaran rê penîr û zebeşe îqram kerd.

Çalakî rê Walî Alı Ihsan Su,Qeymeqomê Bismilî Enver Hakan Zengınce,Midurê Zîret û Daristanan ya Dîyarbekirî Mustafa Ertan Atalar, temsîlkaranê sazgeh û citkaran beşdar bîyî.