Walîyê Dîyarbekirî Munır Karaloglu qezaya silîva taxa Cengîzler de kampanyaya tehmnayişê 28 hezar adrê fistiqe da dest pêkerdiş. Çalakî rê Walîyê Dîyarbekirî Munır Karaloglu, Qeymeqam û Serekwekîlê Farqînî Murat Ozturk, Midurê Zîret û Daristanê Bajarî Mustafa Ertan Atalar,Serekê Dayîreyê Xizmetanê Bêjayî ya şaredarî û citkaran beşdar bîyî.

Karalogluyî aşkera kerd ke ey semedo ke wa îstîhsalê fêkîyê kaşikin bajarî ma de aver şêro û mabênê bajaranê Tirkîya de cayêko xêz bigîro xebatanê xo domneno.

Şaredarîya Bajarê Girdî ya Dîyarbekirî, Midurîya daristanê Bajarî û Serekîya Îdareyê Gapî pîya serre 2021 sey serre fêkîyê bikaşikin aşkera kerdbi û Walî karaloglu aşkera kerd ke nê lijneyan semedê averşîyayişê îstîhsalê fêkîyê bikaşikin aver bêrê bütçe cîya kerde.Karalogluyî îzeh kerd ke sereKîya Dayîreyê Xizmetanê Bêjayî ya Şaredarîya Bajarê Girdî zî çarçiwa xebatan de 15 mîlyon Tl semede ina xebate cîya kerdo.

“Şikir Homayî rê ke se ra 90 darî aşle girewt”

Karalogluyî da zanayene ke ey wazeno îstîhsalê fêkîyê bikaşikin yê fistiqe, vame û goze ya ke qezayanê vakur ê ke zîreto awin nêno viraştiş de zêde bikero.Karalogluyî aşkera kerd ke qepsema xebatan di baxçeyê fêkîyan de xebata raştkerdişî virazîyayo û citkaran rê leyekî ameyo vilakerdiş.

Karalogluyî bade qalîkerdişê xo wina domna: Ma vere cû qezaya Erxenî de daranê bêber aşleyê qeleme kerd û şikir Homayî rê ke se ra 90 daran aşle pêgirewt. Ma musayî ke tîya de vere cû darê şembelotî estbi û ma na ser o ma 2 hezar darê şalbêran rê aşleyê şembelotî kerd. Ê daran do 3-5 serrî dima şembelotî bidê.”

“Ma kampanyaya tehmnayişê 28 hezar darî şima reyde da destpêkerdiş”

Karalogluyî îzeh kerd ke aşleyê fistiqe hewteyê diyine aşma HezÎrane de dest pê keno aye ra waştîşê 99 hezar tehmnayişê darî ameyo girewtiş.

Karaloglu: “Ma emser îhaleyê tehmnayişê daran goreyê 28 hezar darî viraştê. Ma ewro tîya de şima reyde kampanyaya tehmnayişê 28 hezar darî da dest pêkerdiş.”

Karalogluyî bal ont giringîyê xebatanê zîret û heywandarîye seba mintiqa û bade wina vat: “Ma wazeme ke bajarî ma îstîhsalê fistiqe, vame û goze de mabênê Tirkîya de bibo bajarêko xêzdar. Ez homayî ra wazena ke heme citkaranê ma rê berê bereketin bido.ma ganî şikir bikeme ke ma bine na beyraqe de, ina welat de pê birayîye ciwîyenî û Homa zî ma rê bere bereketin bido.”