Şaredarîya Bajarê Girdî ya Dîyarbekirî semedê Hewteyê Îtfaîya (25ê Îlone -1ê teşrîna Verêne) aktîvîteyanê cîya-cîyayan tertîp kena û emser zî şaredarî hem semedê ke hewteyê îtfaîya pîroz bikero hem zî derheqê şewat û xebatanê îtfaîya gedeyan salix bikero Serekîya Dayîreyê Îtfaîya de çalakîyêk serrast kerd.

Hewteyê Îtfaîya her serre mabênê 25ê Îlone-1ê Teşrîna Verêne yena pîrozkerdiş.Emser zî wesîleya hewteyê Îtfaîya Şaredarî wendekaranê Banê Zanayîşî rê çalakîyêk serrast kerd.Gedeyan xebatkaranê îtfaîya ra ameyê têhet û derheqê şewat, teknîkanê honakerdişê û wesayîtê îtfaîya ser o agahî girewtê.

Îtfaîyacîyan semedo ke bal bioncê xebatanê îtfaîya ser o û gedeyon honakerdişî pê pratîkî bimusê qanzikêk ser o tetbîqat viraşt û wendekaranê Banê Zanayîşî kincanê îtfaîyacîyan danê xo ra û şewate hona kerd.

Sewbînan wendekaran Merkezê Cigêrayîş û Aver Berdîşî TEKNOKENT ya Unîversîteya Dîcle ziyaret kerd û tîya de viraştişê kolonye, dezenfektan û kozmetîk û kontakt lensî wekenit.Pêynîya çalaki de gedeyan hegayê zebeşan di gêrayî û derheqê resnayoxê zebeşan de agahî girewt.

Pêynîya çalaki de gedeyan rê zebeş ame îqramkerdiş.