Şaredarîya Bajarê Girdî ya Dîyarbekirî semedo ke weşîye Pirda Malabadî bivejo werte 30 hezar metrekareyin ca de xebata raştkerdişê dorûverî bivirazo.

Walî Munır Karaloglu roja ke ameyo wezîfe nata xebatanê xo de giranîye dano cayanê tarîxî. Pirda Malabadî yo ke Lîsteyê Mîrasê Kulturî ya Nuweqet ya UNESCOyî de ca gêno û talîmatê Walî Munır Karalogluyî ser o, na rey zî semedo ke weşîya Pirda Malabadî bivejo werte xebata raştkerdişê dorûverî bêro viraştiş.

Serekîya Dayîreyê Park, Baxçe û Cayanê Zergûnînan ya Şaredarî projeye ke Pirda Malabadî biçarno sey Muzeyê Hewayo Akerde hadre kerd. Semedo ke Pirda Malabadî rê hîstenîkîye zêde bikero û hemwelatîyan bi rehetî zÎyaret bikerî xebata raştkerdişî bivirazo.

Netîceyê xebate de pêroyî de 30 metrekareyin ca ra 18 hezar û 95 metrekare sey cayê zergûnî bêro serrastkerdiş.

Proje de ware, kafeterya, mescit, terasê ewnîyayişî, rayîrê gêyrayişî,îskele, cayê kaykerdişê gedeyan, tuwalet û odeyê ciewnîyayişê tutan estê.

Sewbîann cîya-cîya nuqteyê Pirda Malabadî de tabelayê tarîxê pirde zî bêro aliqnayiş.

Pird de xebata roşnîkerdişî zî bêro viraştiş

Serekîya Dayîreyê Park, Baxçe û cayanê Zergûnînan ya Şaredarîya Girdî semedo ke Pirdê Malabadî hîna weş biasîyo her di hetê awe rê sahil bivirazo û hem zî semedê roşnî kerdişê pirde xebat bivirazo.