Midurîya Pêroyî yê Awe û Îdareyê Kanalîzasyonî ya Şaredarîya Bajarê Girdî ya Dîyarbekirî pê şirikîya Banakyanê Bajaran qezaya LiCê de xebata binawanî û awa şimitişî domneno.

Sayeyê ina proje probleme awa şimitişî ya qezaya Licê hetanî serra 2050 safî bena.Çarçeweya xebatan di ekîbê Dîskî 33 kîlomtre kanaLîzasyon,47 kîlometre xeta awa şimitişî viraşt.

Midurê Pêroyî yê Dîskî Fırat Tutşî û Midurê Mintiqa ÎLBANKî Suleyman Halıt Bayrak xebatan ca de sehnayî û derheqê xebatan di agahî girewt.

“Ma keme ke heme berpirsîyarîyî xo bîyarê ca”

Tutşî da zanayene ke her hetê Dîyarbekirî de binawanî ra bigîrê heta serawanî xebatan bê mîyan dewam kena û wina va:”Dîyarbekir hetê binawanî de xeylê aver şî ma qezayanê xo de zî sey merkeze bajarî xebatanê xo domnenê.Ma qezaya Licê de pê şirikîya Bankayanê Bajaran şebekeye awa şimitişî û kanalîzasyonî virazenê.Ma do sayeye ina proje de hem verê leyminbîyayişê dormeleyî bigîrê hem zî çimeyê awe bipawê.Ma keme ke demêko kilm de xebatanê xo biqedînê.Dîskî semedê safîkerdişê probleme hemwelatîyan şewe û roje bê mîyan xebetîyenî.”