Şaredarîya Bajarê Girdî ya Dîyarbekirî semede ke kênayanê desteng ê ke tebere bajarî ra yenî zehmetî nêancê û pê rehetî hadreyê Îmtîhanan bibê “Mêmanxaneyê Yurdê Kênayan” akerdbi û tîya semede kênayan bi berê hevîye.

Talîmatê Walîyê Dîyarbekirî munır Karalogluyî ser o bine banê Serekîya dayîreyê Xizmetanê Ciwan û Sporî ya Şaredarîya Girdî de Yurdê Kênayan virazîya. Pêroyî de 170 kênayî îstîfade kenî.

Kênayanê ke lîse ra mezun biyî , Yurdê Kênayan de hadreyê îmtîhanê unîversîteyî benê, Yurdê Kênayan de Şewirmendîye Psîkolojîk û Rayberîyê zî esta û tîya de perwerdekaranê pîspor wezîfe kenî. Perwerdekaran hem mabênê hewte de hem zî pêynîya hewte de 7 rojî desr dane wendekaran.

Kênaya ke Yurdê Kênayan de manena û nameye ci Safıye Yildize aşkera kerd ke Yurdê Kênayan semedê dersanê binge û aktîvîteyan cayêko bê qemasî yo. Yildize dîyar kerd ke nêzdîyê 4 aşmî yo ke Yurdê Kênayan ra îstîfade kenî û hedefe aye beşê dermankarîye yo.

“Tîya semede ma firsandêko pîl o”

Wendekaran ra Dılan Koçyıgıte aşkera kerd ke medyaya komelkî ya Şareadrîya Girdî ser o Yurdê Kênayan nas kerda û bade qalîkerdişê xo wina domna: Tîya semede wendekaranê ke wazenê ders bixebitê cayêko zaf weş o . Tîya semede ma firsendêko pîl o. Aye ra ganî ê cayan zêde bo.

Wenderan ra Serpıl Yetış îzeh kerd ke pê hedefa mamosteyîye ameya tîya û bade wina vat: “Tîya de ma pê rayberîyê perwerdekaranê xo bine dîsîplîn de zaf weş şuxulîyenî û aye ra ez bawera ke ma do xeyalê xo biçarnê raştî.”

“Semedê wendekaranê ke wazenê biwanê îmkananê tîya zaf weş o”

Emel Saraçe zî aşkera kerd ke pê ina yurde pêşdarazê ci semedê yurdan nêmenda. Saraçe aşkera kerd ke keye de hem pê karanê keyeyî hem zî ders pîya nêbeno û bade wina vat: “Îmkananê tîya semede ma zaf weş o. Tîya de hem perwerdekarê ma hem zî Merkezê psîkoljîk û Şewirmendîye zaf eleqederê ma benî.”

“Ez Walîyê ma Munır Karalogluyî rê û Şaredarîya Girdî rê zaf spas kena”

Wendekaran ra Derya Kiliçe ke hedefa aye beşe anestezi yo va tîya semede gedeyan cayêko zaf munasîb o badê qalîkerdişê xo wina domna: “Tîya de xizmetanê werdiş û mendişî se ke şima zanî bê pere yo. Aye ra avantajêko pîl o. Ez Walîyê ma Munır Karalogluyî û Şaredarîya Girdî rê xizmetanê înan ver zaf spas kena