Wezaretê Karanê Zerrî 81 Walîtîyî rê derheqê tedbîranê Vîrusê Korona(Covid-19) de tamîmêk newe erşawit û na ser o ekîbê zabita ya Şaredarîya Bajarê Girdî ya Dîyarbekirî teftîşê Vîrusê Korona viraşt.

Wezaretê Karanê Zerrî 81 Walîtîyî rê derheqê tedbîranê Vîrusê Korona(Covid-19) de tamîmêk newe erşawit û na ser o ekîbê zabita ya Şaredarîya Bajarê Girdî ya Dîyarbekirî teftîşê Vîrusê Korona viraşt.Ekîbê zabita qezaya Peyasî de taxî, wesayîtê komresî û servîsanê gedeyan teftiş kerd.

Ekîbê zabita wesayîtan de hem dûrî hem maske û hem zî pakîye teftiş kerd û derheqê tedbîranê newe de agahî dîya raywan û şoforan.Sewbînan gora tamîmê Wezaretê Karanê Zerrî serrnameyî teftîşan wina yo;

20ê Teşrîne wesayîtê komresî û servîsananê gedeyan,

21ê Teşrîne de servîsanê karker û heme xebatkaran,

22ê Teşrîne kesanê ke îzolasyonî der o,

23ê Teşrîne AVM, camî û tesîsanê sporî,

24ê Teşrîne de cadde,quçe, park, baxçe û cayanê bazarî,

25ê Teşrîne de berber û înternet kafeyan, salone mahrbirîyayişî, bêrê teftîşkerdiş.

Serekîya Dayîreyê Zabita ya Şaredarîya Bajarê Girdî ya Dîyarbekirî aşkera kerd ke semedo ke weşîya şarî bipawo ekîbê şaredarî bê mabên teftîşanê xo bidomno.