Serokatiya Daîreya Xizmetên Ciwan û Werzişê, Serokatiya Daîreya Çapemenî û Têkiliyên Gel û Serokatiya Daîreya Xizmetên Civakî yên Şaredariya Bajarê Mezin a Amedê, bi armanca zêdekirina gihîştina zarokan a li çalakiyên werzişî, çêkirina qadên giştî ji bo zarokan bikêrtir û belavkirina çanda werzişê ya li taxan, li Parka Ehmed Arif Şahiya Werzişê ya Zarokan li dar xist.

Di şahiyê de zarokan bi çalakiyên werzişî yên cûrbecûr, lîstikên perwerdehî û çalakiyên curbecur re wexteke xweş derbas kirin.

Şaxa werzişê yên cûrbecûr ceribandin

Di şahiyê de şaxên werzişê yên wekî futbol, voleybol, basketbol, tenîsa masê, dart, dîwarê hilkişînê, tûrik (langirt) û şetrenc bi zarokan re hatin anîn gel hev. Zarokên ku tevlî lîstikên tîmê û çalakiyên takekesî bûn, şaxên werzişê yên cûrbecûr ceribandin û wextekî xweş derbas kirin.

Çalakiyên perwerdehî û kêfxweş hatin lidarxistin

Ji bilî çalakiyên werzişê, li gorî berjewendiyên cûrbecûr yên zarokan cih dan çalakiyên perwerdehî û kêfxweş ên wekî lîstikên hiş û zîrekiyê, kodkirina robotîk, boyaxkirina rû û xaniyê kivarkan.

Zarokên ku bi rêya lîstikan ezmûnên nû bi dest xistin, derfet dîtin ku bi hevalên xwe re têkiliyê deynin û bi hev re wext derbas bikin. Li qadên çalakiyê yên ku piştevanî û parvekirin derketin pêş, dîmenên rengîn derketin holê.

Şahî wê li taxên cûrbecûr bidomin

Şahiya ku bi armanca tevkariya li geşedana civakî ya zarokan, belavkirina çanda werzişê û avakirina qadên jiyana civakî yên ewle hat lidarxistin, piştî beşdariyeke mezin bi dawî bû.

Şaredariya Bajarê Mezin a Amedê, ji bo zêdekirina gihîştina zarokan a li çalakiyên çandî, hunerî, werzişî û civakî, wê Şahiyên Werzişê yên Zarokan li taxên cûrbecûr ên bajêr bidomîne lidarxistin.