Wezîfeyê yewîne nê yê:

a) Derheqê kesanê astengdaran de viraştişê bankaya daneyan.

b) Ramitişê xebatanê ke yewbîyayîşê astengdaran ê cuya komelî temîn kenê û asan kenê; kerdiş, teşwîqkerdiş û vilakerdişê aktîvîteyanê sporî, komelkî û kulturîyan.

c) Bi xebatanê hemparan ê unîversîte, sazgehanê taybetîyan, weqf û komelanê ke bi amancê xizmetê astengdaran ameyê awankerdene û sazgehanê înan ê corênan, dezgeh û sazgehanê pêroyîyan û sazgehanê meslekî yê ke xusûsîyetê dezgehê pêroyî yê, tetbîqkerdişê bernameyanê rehabîlîtasyonê komelbingeyinî yê seba astengdaran.

ç) Astengdar û keyeyanê înan rê ke muracatê yewîne kenê, dayîşê xizmetanê şêwirmendî û rêberîya psîko-komelkî; organîzekerdişê çalakîyanê sey konferans, semîner û sempozyumî ke perwerdebîyayîş, agahdarbîyayîş û hişyarbîyayîşê înan ê derheqê astengdarîye de temîn kenê.

d) Amadekerdiş, weşanayîş û vilakerdişê weşananê çapkerde, vengin û dîmenînan ê sey kitab, kovar û broşurî ke seba vernîgirewtişê astengdarîye yê.

e) Astengdar û keyeyanê înan rê dayîşê xizmetanê agahdarkerdiş û hişyarkerdişî; temînkerdişê ke personelo ke do nê xizmetan bido, perwerdeyê hewceyî bigîro ke wayîrê zanayîş û bihunerîya teknîkî bibo.

f) Seba ke astengdarî bibê hêza karî ya biqalîte û beşdarê cuya karî bibê, erjnayîşê astengdaranê ke seba bernameyanê rehabîlîtasyon û perwerdeyê meslekî muracat kenê û dayîşê rehabîlîtasyon û perwerdeyanê meslekîyan ê munasîban.

g) Astengdaran rê ke rewşa înan a ekonomîk kêmî ya, kerdişê hetkarîya eynî û neqdî.

ğ) Eke hewce bo, bi wesayîtanê ke rewşa astengdaran rê munasîb ê, temînkerdişê resayîşê înan cayanê ke tede yê, tira heta cayanê sey nêweşxane, wendegeh û merkezê rehabîlîtasyonî.

h) Astengdar û pîrê ke hewcedarê miqateyî yê, înan rê pêşkêşkerdişê xizmetê miqateyî yan zî goreyê mewzûatê têkilîdarî herînayîşê nê xizmetî.

Belgeyê ke seba îstîfadekerdişê xizmetan yenê waştene

Belgeyê ke kesan ra ke seba girewtişê xizmetî muracatê yewîne kenê, yenê waştene, cêr ra yenê nawitene:

a) Formê taleb yan zî qeydî,

b) Raporê Heyetê Weşîye yan zî karta nasnameyê astengdaran ke hetê Serekîya Îdareyê Astengdaran ra ameya dayene,

c) Belgeya îqametgahî,

ç) Fotokopîya nasnameyî.

(2) Kesê ke rêjeya astengdarîya înan nasnameyî de qeyd bîya, înan ra belgeyê benda (b)yî nêyenê waştene.

Esasê hetkarîye

Hetkarîyanê ke do astengdar û keyeyanê înan rê bêrê kerdene, ke do hetkarîyanê komelkîyan ê yewîne ra îstîfade bikerê, esas o yo ke krîterê ke kesa ke Weqifanê Hetkarî û Piştîpêdayîşê Komelkî ra hetkarî gênê, yenê waştene, bêrê waştene.

Xizmetê zerrîwazî yê seba astengdaran

Yewîne seba astengdaran; bi hemparîya unîversîte, sazgehanê taybetîyan, waqif û komelanê ke bi amancê xizmetê astengdaran ameyê awankerdene û sazgehanê înan ê corênan, dezgeh û sazgehanê pêroyîyan û sazgehanê meslekî yê ke xusûsîyetê dezgehê pêroyî yê, goreyê hukmanê Yonetmelîkê Beşdarîya Zerrîwaze ya Xizmetanê Îdareyê Taybetî yê Bajarî û Şaredarîye ke Rojnameyê Fermî yê tarîxê 9/10/2005 û hûmara 25961î de ameyo weşanayene, kerdişê xizmetanê ke bingeyê înan zerrîwazî yo, temîn kena.

Kursê ke yenê organîzekerdene

• Perwerdeyo bingeyin

• Perwerdeyo meslekî

• Perwerdeyo taybetî

Perwerdeyo bingeyin

Perwerdeyo meslekî

Perwerdeyo taybet

Atolyeyî

• Tîyatro

• Muzîk

• Resm-heykel û seramîk

• Çalakîyê sporî

• Daşinasnayîşê şaristanî

Hûmara kesanê ke atolyeyan ra îstîfade kenê, serre de teqrîben 200 ê.