Şaredarîya Amedî ya Şaristanê Girdî turnuvaya Zîrekî û Aqilî viraşte.

Serekîya Daîreya Xîzmetê Ciwan û Sporî seba ke zîrekîya gedeyan aver şêra turnuvaya Zîrekî û Aqilî viraşte ke domanî bikewê musabeqa.

Turnuvaya ke 7ê hezîrane roja îneyî SumerPark de virazîya, sinifanê 5-6-7-8î beşdar bîyî. Turnuva kategorîyanê Mangala û Reserve de bî.

50 wendekarî beşdarê turnuva bîyî û hemînan rê çente û setê perwerdeyî ame dîyarîkerdene. Êyê ke kewtî derece, înan rê zî madalya û sewbîna xelatî ameyî dayene

Melek Naz Avcilara ke kategorîyê Mangala de bê yewine û Muhammed Emîn Barçayo ke kategorîyê Reserve de bî yewin xelatê xo destê hetkarê Sekreterîya Pêroyî Mehmet Reşît Bakanî ra girewtî

Bakanî wina va; "Nê çalakî zaf muhîm ê seba ke ciwanî bifikirîyê, biafirnê û çareyêk bivînê."

Serekê Daîreya Xîzmetê Ciwan û Sporî Baran Yilmaz, Mudirê Şubeyê Ciwanan Çetîn Hasgumuş û Mudirê Şubeyê Karanê îdarî Cengîz Caglar beşdarê programî bîyî.