Şaredarîya Amedî ya Şaristanê Girdî bi protokolê ke DÎSK/GENEL-ÎŞ’î reyde îmza kerd, xebatkaranê xo rê se ra 35 zam kerd.

Şaredarîya Amedî ya Şaristanê Girdî û DÎSK/GENEL-ÎŞ mabênê xo de protolêk viraşt û xebatkaranê ke Personel A.Ş de xebitênê, înan rê se ra 35 zam kerd ke heqê înan bêro pawitene.

Protokol, hetê Hemşaredaran Serra Bucak û Dogan Hatun û Hemserekanê GENEL-ÎŞ’î  Sebahat Sever û Behçet Barutî û Hesabdarê Şubeyî Mehmet Oktayî ra eme îmzakerdene.

Bi nê protokolî 1ê hezîrane 2024î ra meeşanê xebatkaran rê zam ame kerdene. Û seba cinîyan 8ê Adare û 25ê Teşrîna Verêne de, astengdaran rê zî 3ê Kanune û 10-16 Gulane de zî rojêk destûr ame dayene.