Şaredarîya Amedî ya Şaristanê Girdî, waştişê şarî ser o mabênê BenûSen û Berê Koyî de seferê rîngî yê bêpere  dayî destpêkerdene.

Serekîya Daîreya Resî, wexto ke xebatanê resê emnîyetin û rehetî dewam kena, waştişê ke şarî ra yenê zî analîz kena û çareyan peyda kena.

Têhetameyîşê Şarî de ke 7ê Aguste de BenûSen de ame organîzekerdiş û Hemşaredarê Şaristanê Girdî Serra Bucak û Dogan Hatun tede beşdar bîyî, şarî problemê xo vatî û çare ame peydakerdiş.

Serekîya Daîreya Resî, seba ke resayîşê BenûSen û merkezê bajarî rehet biko, seferê rîngî yê bêpere Dayî destpêkerdene.

Seferan ke 12ê Temmuze roja Dişeme saete 06:30 de dest pê kerd, roje de her saete de yew rey dewam kenê.

Xetê Seferî

Xetê seferê rîngî ke do yew erebe bêro dayene, Berê Koyî, Halo Verên û BenûSen ameyî dîyarkerdene.

'Ma di xizmetî pîya dayî destpêkerdene.

Hetkarê Sekreterê Pêroyî yê Şaredarîya Şaristanê Girdî Reşat Bakanî ke seba seferê rîngî şî BenûSen, uca de şarî reyde sohbet kerd, derheqê xîzmetan de ke do bêrê kerdene, melumat dayî. Bakan Muxtara Taxe Sadîye Sebat û şarî reyde wenîşt erebeya rîngî û va ke înan BenûSen de di xizmetî her roje pîya dayî destpêkerde.

Bakanî wina va: "Ma BenûSen de di xizmetan pîya dest pê kenê. Xizmetan ra yew seferê rîngî yo, o bîn zî Şaredarîya Yenîşehîrî reyde pîya xebata pakkerdişî ya. Ma dest biu her dîyan kerd. Seferê rîngî her roje mabênê berê Koyî û BenûSen de bêpere xîzmet dano. taxa BenûSenî her roje bi hawayêko binîzam yena pakkerdiş û gemarîye taxa ma ra wedarîyena."

'Ma sey şarê BenûSenî sipas kenê'

Muxtara Taxa Şehîtlîkî Sadîye Sebate ke keyweşîya xo ya xîzmetê seferê rîngî yê bêpereyî îfade kerd, wina va: "Hetê şarê BenûSenî ra waştişê seferê rîngî yê bêpere bîyêne. Ma Serekîya Daîreya Resî ya Şaredarîya Şaristanê Girdî ra rica kerd. Ê zî ameyî dî, analîz kerd. Ewro bi xeyr û weşî dest pê kerd."

Seyfettîn Ayazlî ke şarê tax o, wina va: "Ma sey şarê BenûSenî waştişê otobusî-dolmuşî muxtara xo rê kerd. Bi wasitaya muxtara ma Şaredarîya Şaristanê Girdî rê ame vatene û bi lez û bez na ereba ma rê ame tahsîskerdiş. Ma sey şarê BenûSenî zaf sipas kenê."