Hemşaredaranê Şaredarîya Amedî ya Şaristanê Girdî Serra Bucak û Dogan Hatunî, waranê serayan yê Taxa Karaalî ya girêdayeya Qezaya Eyûbîye ya Riha de kontrolî kerdî.

Hemşaredaranê Şaredarîya Şaristanê Girdî Serra Bucak û Dogan Hatun, waranê serayan yê Taxa Qaraalî ya girêdayeya Qezaya Eyûbîye zîyaret kerd. Hemşaredarî Bucak û Hatun waranê serayan ke tede tesîsê termalî û ziraeto bêherre yeno kerdene û nebatê xemilnayîşî yenê ramitene, gêrayî û xebatê serayan ca de kontrol kerdî.

Hemşaredaran, çitkaranê ke serakarîye kenê, înan reyde derheqê qonaxanê ke proses ra vîyareno, ardimê ekonomîk o ke îstîhsalî mintiqa rê dano û tesîrê ey o ke îstîxdamê cinîyan ser o yo, derheqê nê babetan fikrî qisey kerdî.

Kontrolan de Hetkarê Sekreterê Pêroyî Ozgur Yildiz, Serekê Daîreya Xurtkerdişê Çimeyan û Pardarîyan Mehdî Gumuş û endamê meclîsî Hemşaredaran reyde bîyî.