Taximê Voleybolê Cinîyan ê Ciwanan yê Sporê Şaredarîya Amedî ya Şaristanê Girdî, musabaqaya peyêne ya grûba xo de Yurdumspor Amedî 3-0 mexlub kerd û vejîya nêm fînal.

Taximê Voleybolê Cinîyanê Ciwanan ke binê Serekîya Daîreya Xizmetanê Ciwanî û Sporî de awan bîyo, 5 musabaqayan de ke kay kerdî, reqîbê xo bi netîceyê eşkera yê 3-0 mexlub kerdî û grûba xo de vejîya rêza yewine.

Sporê Şaredarîya Amedî ya Şaristanê Girdî ke kategorîya Voleybolê Cinîyan ê Ciwanan de kay keno, musabaqaya peyêne ya lîgî de taximê Yurdumspor Amedî bi setan 3-0 mexlub kerd û vejîya nêm fînal.

Taximê Voleybolê Cinîyan ê Ciwanan yê Şaredarîya Amedî ya Şaristanê Girdî ke do 2 taximê ke grûbanê bînan ra sey lîder yenê, înan reyde bikewê têver, do musabaqayanê nêm fînalî kay biko. Eke Taximê Voleybolê Cinîyan ê Ciwanan nê her di musabaqayan ra serkewte vejîyo, do heqê temsîlkerdişê Amedî yê herême bi dest bifîno.