Ekîbê Şaredarî Şaristanê Girdî yê Dîyarbekirî rayîrê mezelî yê Mahala Bexşîyana a Qezaya Gêlî akenê û şar zî înan rê hetkarîye keno.

Şarî va ke akerdişê rayîrî seba înan xizmetêko zaf weş o û do şaredarî rê hetkarîye bikerê û piştî bidê.

Daîreya Pawitişê Rayîran û Koordînasyonê Binawanî, seba ke şar problemê resî nêanco, xebatanê xo dewam kena.

Ekîbî, waştişê şarî ser o Qeza Gêlî Mahala Bexşîyana  de rayîrêko ke 1200 metre derg o û 6 metre hîra yo, seba ronanayîşê kerreyê parkeyê kilitînî dest bi xebate kerd.

Ekîbê Şaredarîya Şaristanê Girdî 10 hezar metrekare ca de kerreyê parkeyê kilitînî ronanê û şar zî înan rê hetkarîye keno.

'Ma şaredarî rê hetkarîye kenê'

Muxtarê Mahala Bexşîyana Bendan Semîh Memîşî va ke ê xizmetan ra razî yê û qey na xebate Şaredarî Şaristanê Girdî rê sipas kenê.

Memîşî wina dewam kerd:

"Nika xebata rayîrêko perkeyê kilitinî yo 1200 metre ramite. Dewijî zî heta ke dest ra yeno hetkarîye kenê. Ma dêsan hîra kenê, erdî rast kenê û bi her hawayî ma sey dewijan Şaredarî Şaristanê Girdî rê hetkarîye kenê. Ma înan ra razî yê. Wa nê tewir xizmetî hîna zaf bibê."

'No seba ma xizmetêko zaf rind o'

Memîşî va ke seba şîyayîşê mezelî zehmetî ancenê û wina dewam kerd: "Rayîrê mezelî, seba ke teber ra zî şarî yenê, rayîrêko zaf şuxulîyayo yo. Ma verê zimistanan de cenazeyê kesê ke cuya xo vîndî kerdê, zor berdênê uca. Ma bi milan û bi hêzê însanan berdênê. La nika ma do bi no rayîr bi rehetî defin bikê. No seba ma xizmetêko zaf rind o."

'Serekê ma yê şaredarî ma rê xizmet kenê'

Huseyn Akdumanî ke hetkarîya xebatanê şaredarî keno, va: "Serekê ma yê şaredarî ma rê xizmet kenê. Ma rê rayîran virazenê. Ma seba xizmetanê înan sipas kenê. Ma zî înan rê hetkarîye kenê. Wa Homay înan ra razî bo. Wa Homay rayîrê înan akerde bikero."

'Ma şaredarî rê hetkarîye kenê'

Mehmet Memîşî ke dewijan ra yo, ey zî va: "Ma seba ke şaredarî rê hetkarîye bikê û piştî bidê, ma rayîrî hîra kenê. Wa Homay şaredarî ra razî bo, ma sipas kenê.