Taximê Voleybolî yê Cinîyan ê Şaredarîya Amedî yê Şaristanê Girdî vera Taximê Voleybolî yê Cinîyan ê Hatayî 3-1 bindest bî.

Taximê Voleybolî yê Cinîyan ê Şaredarîya Amedî yê Şaristanê Girdî ke Grûba 15. yê Lîga 2. yê Cinîyan de kay keno, Salona Sporî yê Koşklerî de bî meymanê Taximê Voleybolî yê Cinîyan ê Hatayî.

Serekê Daîreya Xizmetê Ciwan û Sporî, endamê meclîsî û sporheskerdoxanê maç temaşe kerd. Terefdaran heme maçî de bi vengdayîşanê coşkînan piştî da taximê xo.

Taximê Voleybolî yê Cinîyan ê DBB’yî ke performansêko rind nîşan da, vera reqîbê xo yo zehmet 3-1 bindest vejîya.

Taximê Voleybolî yê Cinîyan ê Şaredarîya Amedî yê Şaristanê Girdî ke îddîaya xo grûbe de dewam keno, do 28ê Kanûne de Anteb de vera Taximê Voleybolî yê Cinîyan ê Merînosî kay bikero.