Hemşaredara Şaredarîya Amedî ya Şaristanê Girdî Serra Bucak maçê Amedspor û Umranîyesporî stadyum de temaşe kerd û Amedsporî 2-0 maç girewt.

Amedspor ke Lîga 1. ya TFF’yî de kay keno, Stadyumê Amedî de vera Umranîyesporî kay kerd. Hemşaredara Şaredarîya Amedî ya Şaristanê Girdî Serra Bucak Hemşaredarê Şaredarîya Baglarî Siraç Çelîk, Serekê Klubê Amedsporî Burç Baysal, Serekê DTSOyî Mehmet Kaya, Serekê Borûya Amedî Abdulkadir Guleç, Hetkarê Sekreterê Pêroyî Reşat Bakan û Mudirê Pêroyî yê DÎSKÎ Mehmet Şerîfogluyî reyde temaşe kerd.

Maç de Amedspor 90 deqayan de kay de tesîrdar bî û Umranîyespor 2-0 bindest kerd û puanê xo kerd 25.

Maçî ra dima Hemşaredare Serra Bucakî seba dawetkerdişî Serekê Klubê Amedsporî Burç Baysalî pîroz kerd û waşt ke serkewtişê înan dewam bikê.